- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
سېرمو فىشېر شىركىتى تىبەتكە DNA ئەۋرىشكىسى يىغىش ئۈسكۈنىلىرىنى سېتىشنى توختاتقان
ئامېرىكا بىيوتېخنىكا شىركىتى سېرمو فىشېر پەن-تېخنىكا شىركىتى ئامېرىكا خەۋەر تور بېتى Axios قا كىشىلىك ھوقۇق تەشكىلاتلىرىنىڭ تەنقىدى ۋە پارلامېنتنىڭ بېسىمى سەۋەبلىك، تىبەتكە DNA ئەۋرىشكىسى يىغىش ئۈسكۈنىلىرىنى سېتىشنى توختاتقانلىقىنى ئېيتقان.
فىرانسىيە خەلقئارا رادىيوسىنىڭ 3-يانۋار خەۋەر قىلىشىچە، خىتاي رېجىمى مۇستەملىكىدە ياشاۋاتقان تىبەتلەردىن ئېلىنغان ئەۋرىشكىلەر ئارقىلىق غايەت زور DNA سانلىق مەلۇمات ئامبىرى قۇرۇپ چىققان.
سېرمو فىشېرنىڭ باياناتچىسى ئېلخەت ئارقىلىق بۇ ھەقتە بايانات ئېلان قىلغان. باياناتتا: «بىر قاتار ئامىللارغا ئاساسەن، بىز 2023-يىلىنىڭ ئوتتۇرىلىرىدا تىبەتكە HID (ئىنسانلارنى پەرقلەندۈرۈش) مەھسۇلاتلىرىنى سېتىشنى توختىتىپ، تىبەتكە ئىنسانلارنى پەرقلەندۈرۈش تېخنىكىمىزنى ساتماسلىقنى قارار قىلدۇق» دېگەن. ئەمما باياناتچى سۆزىگە يەنە سېرمو فىشېر ئىشلەپچىقارغان HID تېخنىكىسىنىڭ جىنايەتچىلەرنى ئىز قوغلاش، ئادەم ئەتكەسچىلىكىنى چەكلەش ۋە خاتا ئەيىبلەنگەنلەرنى قۇتۇلدۇرۇش قاتارلىق مۇھىم ئەدلىيەلىك قوللىنىش قىممىتى بارلىقىنى بىلدۈرگەن.
2022-يىلى خىتاي ھۆججىتىگە ئاساسلانغان دوكلاتلاردا خىتاي ساقچىلىرىنىڭ تىبەتتە كەڭ كۆلەمدە DNA ئەۋرىشكىسى يىغىش ھەرىكىتى قوزغىغانلىقى، ئىشلىتىلگەن ئۈسكۈنىلەرنىڭ سېرمو فىشېر پەن-تېخنىكا شىركىتىدىن سېتىۋالغانلىقى ئاشكارىلانغان. شۇنىڭدىن كېيىن، بۇ شىركەت تىبەتتە مەھسۇلاتلىرىنى سېتىشنى توختىتىش بېسىمىغا دۇچ كەلگەن. 2022-يىلىنىڭ ئاخىرىدا ئامېرىكا پارلامېنتى خىتاي ئىشلىرى ئىجرائىيە كومىتېتى ئەزالىرى سېرمو فىشېر پەن-تېخنىكا شىركىتىنىڭ رەئىسى ۋە باش ئىجرائىيە ئەمەلدارى مارك كاسپېرغا مەكتۇپ ئەۋەتىپ، شىركەتنىڭ مەھسۇلاتلىرىنى رايوندا ئىشلىتىلىشىنى كونترول قىلىشنى تەلەپ قىلغان.
تەييارلىغۇچى: ئابدۇخەبەر رەجەپ