- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ئەنگلىيە شىركەتلىرى خىتايغا مەبلەغ سېلىش سۈرئىتىنى ئاستىلاتتى
ئەنگلىيە شىركەتلىرى خىتايغا مەبلەغ سېلىش سۈرئىتىنى ئاستىلاتقان بولۇپ، ئېھتىياتچانلىق بىلەن 2024-يىلىغىچە كۈتىدىغانلىقى بىلدۈرۈلمەكتە.
ئامېرىكا ئاۋازىنىڭ 19-دېكابىر خەۋەر قىلىشىچە، 2008-يىلىدىن 2020-يىلىغىچە خىتايدا ياشىغان ۋە شېنجېندا سودا كەسپى بىلەن شۇغۇللانغان بىر ئەنگلىيەلىك سودىگەر ئامېرىكا ئاۋازىغا: «مەن تۇنجى قېتىم خىتايغا بارغىنىمدا، كۆپچىلىك خىتاينىڭ كەلگۈسىگە ئىنتايىن ئۈمىدۋار پوزىتسىيەدە بولاتتى. ھەممىمىز خىتاينىڭ داۋاملىق سىرتقا ئېچىۋېتىدىغانلىقى ۋە داۋاملىق ياخشىلىنىدىغانلىقىغا ئىشەنگەنىدۇق. شى جىنپىڭ ھاكىمىيەت بېشىغا چىققاندىن كېيىنمۇ شۇنداق بولىدىغانلىقىغا ئۈمىدۋار ئىدىم، ئەمما ھازىر ئۇنداق ئەمەس» دېگەن.
مەزكۇر سودىگەر يەنە ئۆزىنىڭ ئىلگىرى خىتايغا مەبلەغ سېلىش ئىستىقبالىدىن ئۈمىدۋار بولغانلىقىنى، ئەمما 2020-يىلدىكى يۇقۇم ۋە قاتتىق كونترول سىياسىتى ئۇنىڭ كۆز قارىشىنى ئۆزگەرتكەنلىكىنى، خىتاينىڭ يۇقۇمدىن كېيىنكى قاتتىق كونترول قىلىش سىياسىتى شېنجىندىكى نۇرغۇن زاۋۇتلارنىڭ تاقىلىشىغا سەۋەب بولغانلىقىنى، بۇ قېتىم خىتايدىكى گۈللىنىشنىڭ زاۋاللىققا يۈزلەنگەنلىكىنى، خىتايدىن ئايرىلىشنى ۋە تەمىنلەش زەنجىرىنى ۋىيېتنام قاتارلىق شەرقىي جەنۇبىي ئاسىيا دۆلەتلىرىگە يۆتكەشنى قارار قىلغانلىقىنى بىلدۈرگەن.
بىلدۈرۈلۈشىچە، خىتاينىڭ خىتاي ۋىرۇسى يۇقۇمىدىن كېيىنكى سىياسىتىنىڭ ئاخىرلىشىشى چەت ئەل سودىگەرلىرىنىڭ كۆز قارىشىنى ئۆزگەرتەلمىگەن بولۇپ، خىتايدىكى قاتتىق كونترول چەت ئەل سودىگەرلىرىنىڭ خىتاينىڭ ئىقتىسادىغا بولغان ئىشەنچىسىنى پۈتۈنلەي يوقاتقان. شۇنىڭغا ئەگىشىپ خىتاي ئىقتىسادىدا كۆرۈنەرلىك چېكىنىش كۆرۈلۈشكە باشلىغان.
تەييارلىغۇچى: ئابدۇخەبەر رەجەپ