- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
تەشكىلاتلار بىرلىكى ھەيئىتى ئەنقەرەدە زىيارەتتە بولدى
خەلقئارا شەرقىي تۈركىستان تەشكىلاتلار بىرلىكىنىڭ رەئىسى ھىدايەتۇللاھ ئوغۇزخاننىڭ يېتەكچىلىكىدىكى بىر ھەيئەت 19-دېكابىر ئەنقەرەدە زىيارەتتە بولۇپ، نۆۋەتتە تۈركىيەدە ھاكىميەت يۈرگۈزۈۋاتقان ئادالەت ۋە تەرەققىيات پارتىيەسىنىڭ تاشقى ئىشلارغا مەسئۇل مۇئاۋىن رەئىسى زەفەر سىراكايا بىلەن كۆرۈشتى.
رەئىس ھىدايەتۇللاھ ئوغۇزخان باشچىلىقىدىكى ھەيئەت شەرقىي تۈركىستان ئۆلىمالار بىرلىكىنىڭ رەئىسى دوكتور ئالىمجان بۇغدا، تەشكىلاتلار بىرلىكىنىڭ مۇئاۋىن رەئىسى لوقمانجان ھىرا، بىرلىكنىڭ باش كاتىپى ئابدۇرېشىت ئەمىنھاجى، شەرقىي تۈركىستان ئىنسان ھەقلىرى جەمئىيىتىدىن ئادىل مۇھەممەدئوغلى قاتارلىقلاردىن تەشكىللەنگەن بولۇپ، ھەيئەت ئالدى بىلەن زەفەر سىراكايا ئەپەندىنىڭ يېڭىدىن ۋەزىپىگە ئولتۇرغانلىقىنى تەبرىكلىدى. ئارقىدىن شەرقىي تۈركىستان خەلقىنىڭ نۆۋەتتىكى ئومۇمىي ئەھۋالىنى تونۇشتۇردى ۋە قىلىشقا تېگىشلىك مۇھىم خىزمەتلەر ھەققىدە پىكىر ئالماشتۇردى.
بۇ قېتىملىق زىيارەتتە ئۇيغۇرلارنىڭ نوپۇس ئىلتىماسلىرىنىڭ توختاپ قېلىشى، ئاستىلاپ قېلىشى، رەت قىلىنىشى، كود بىلەن مۇناسىۋەتلىك بىخەتەرلىك مەسىلىلىرى ۋە ئۇيغۇرلارنىڭ نوپۇس مەسىلىسىنىڭ تەلتۆكۈس ھەل بولۇشى قاتارلىق قىيىنچىلىقلار ۋە تەلەپلەر دۆلەتنىڭ ئەڭ يۇقىرى ئورگىنىغا يەتكۈزۈلدى.
تەييارلىغۇچى: ئابدۇخەبەر رەجەپ