- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
گەنسۇ ۋە چىڭخەيدە يەر تەۋرەپ يۈزدىن ئارتۇق ئادەم ئۆلدى
خىتاينىڭ گەنسۇ ۋە چىڭخەي ئۆلكىلىرىدە 6.2 بال يەر تەۋرەپ، ھازىرغا قەدەر 118 ئادەم ئۆلۈپ، 400 گە يېقىن ئادەم يارىلانغان.
خىتاي ئورگان تاراتقۇلىرىنىڭ خەۋەر قىلىشىچە، 18-دېكابىر شۇ جاي ۋاقتى سائەت 23 تىن 59 مىنۇت ئۆتكەندە، گەنسۇ لىنشيا ئوبلاستى جىشىشەن ناھىيەسىدە 6.2 بال يەر تەۋرىگەن. تەۋرەش مەنبەسىنىڭ چوڭقۇرلۇقى 10 كىلومېتىر ئىكەنلىكى ئېنىقلانغان. تەۋرەش مەركىزى جىشىشەن ناھىيەسىنىڭ ليۇگۇ يېزىسىدا بولۇپ، لىنشيا ئوبلاستى جىشىشەن ناھىيەسىگە سەككىز كىلومېتىر، لىنشيا شەھىرىگە 39 كىلومېتىر، لەنجۇ شەھىرىگە 102 كىلومېتىر كېلىدىكەن.
بىلدۈرۈلۈشىچە، لەنجۇ، چىڭياڭ، پىڭلياڭ، تيەنشۈي، لۇڭنەن، دىڭشى، ۋۇۋېي، جىنچاڭ قاتارلىق جايلاردا تەۋرەش سېزىمى روشەن بىلىنگەن. ھازىرغىچە يەر تەۋرەشتە گەنسۇدا 105 ئادەم ئۆلۈپ، 4782 ئېغىز ئۆي ۋەيران بولغان. بۇنىڭدىن باشقا، يەر تەۋرەشتە 397 ئادەم يارىلانغان بولۇپ، بۇنىڭ ئىچىدە خەتەرلىك ئېغىر يارىدار 16، ئېغىر يارىدار 76، ئوتتۇرا دەرىجىلىك يارىدار 98، يېنىك يارىدار 207 گە يەتكەن.
تەييارلىغۇچى: ئابدۇخەبەر رەجەپ