- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
بايدېن: ئىسرائىلىيە خەلقئارادىكى قوللىغۇچىلىرىدىن ئايرىلىپ قالماقتا
ئامېرىكا پىرېزىدېنتى جوۋ بايدېن ئىسرائىلىيەنىڭ خەلقئارادىكى قوللىغۇچىلىرىدىن ئايرىلىپ قېلىۋاتقانلىقىنى بىلدۈردى.
«ۋاشىنگتون پوچتىسى» گېزىتىنىڭ 13-دېكابىر خەۋەر قىلىشىچە، پىرېزىدېنت جوۋ بايدېن ئىسرائىلىيەنىڭ ھاماس بىلەن بولغان ئۇرۇشىدا قوللانغان قالايمىقان بومباردىمان قىلىش ھەرىكىتىنى تەنقىد قىلىپ، ئىسرائىلىيەنىڭ خەلقئارادىكى قوللىغۇچىلىرىدىن ئايرىلىپ قېلىشقا باشلىغانلىقىنى، بۇ ۋەزىيەت بىرلەشكەن دۆلەتلەر تەشكىلاتى ئومۇمىي كېڭىشىدە ئىسپاتلانغانلىقىنى، ئومۇمىي كېڭەشتە ئۇرۇش توختىتىشنى تەلەپ قىلىش ئۈچۈن يەنە بىر قېتىم بېلەت تاشلانغانلىقىنى، بىلەت تاشلاشتا ئىسرائىلىيەنى قوللايدىغان ئامېرىكىنى ئۆز ئىچىگە ئالغان پەقەت ئون ئەزا دۆلەتلا قالغانلىقىنى بىلدۈرگەن.
بايدېننىڭ بۇ باھاسى ئىسرائىلىيەنىڭ ئۇرۇشتىكى بىگۇناھ خەلقنى قوشۇپ قالايمىقان بومباردىمان قىلىشى سەۋەبلىك ئامېرىكا بىلەن بولغان مۇناسىۋىتىنىڭ جىددىيلىشىدىغانلىقىنىڭ ئىپادىسى، شۇنداقلا ئىسرائىلىيە پارلامېنت ئەزالىرىنىڭ غەززە مەسىلىسىنى ئىككى دۆلەت رامكىسى ئاستىدا ھەل قىلىش چارىسىنى ئويلىشىشنى رەت قىلغانلىقىنىڭ ئالامىتى ئىكەن.
ئىسرائىلىيە باش مىنىستىرى بۇنيامىن نىتانياھۇ ئىلگىرى قىلغان نەچچە قېتىملىق سۆزىدە، ئۇرۇشتىن كېيىن غەززە رايونىنىڭ مەھمۇد ئابباس باشچىلىقىدىكى پەلەستىن ھۆكۈمىتىنىڭ كونتروللۇقىغا كىرىشىگە يول قويمايدىغانلىقىنى تەكىتلىگەنىدى.
تەييارلىغۇچى: ئابدۇخەبەر رەجەپ