- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
يەمەن قوراللىق قىسىمى ئىسرائىلىيەگە كېتىۋاتقان نېفىت پاراخوتىغا زەربە بەردى
يەمەن ھۇسى قوراللىقلىرى ئىسرائىلىيەنىڭ غەززەگە قىلغان قىرغىنچىلىق ئۇرۇشىغا جاۋابەن چارلىغۇچى باشقۇرۇلىدىغان بومبا بىلەن ئىسرائىلىيەگە كېتىۋاتقان نېفىت پاراخوتىغا زەربە بەرگەن.
رويتېرس ئاگېنتلىقىنىڭ 12-دېكابىر خەۋەر قىلىشىچە، ھۇسى قوراللىق كۈچلىرى كونتروللۇقىدىكى يەمەندىن قويۇپ بېرىلگەن چارلىغۇچى باشقۇرۇلىدىغان بومبا دېڭىزدا كېتىۋاتقان نېفىت پاراخوتىغا زەربە بەرگەن بولۇپ، پاراخوتقا ئوت كەتكەن، ئەمما ئۆلۈش ۋە يارىلىنىش ئەھۋالى بولمىغان. ھۇجۇم ۋەقەسى باربار ماندېب بوغۇزىنىڭ شىمالىدىن تەخمىنەن 60 دېڭىز مىلى يىراقلىقتا يۈز بەرگەن. رايوندىكى ئامېرىكا دېڭىز ئارمىيەسىنىڭ قوغلىغۇچى پاراخوتى «USS Mason» جىددىي قۇتقۇزۇش ئىشلىرىغا ياردەم بەرگەن.
بىلدۈرۈلۈشىچە، ھۇسى قوراللىق كۈچلىرى غەززە خەلقى تەرەپتە تۇرۇپ توقۇنۇشقا كىرگەن بولۇپ، مۇھىم توشۇش لىنىيەسىدىكى ئىسرائىلىيە پاراخوتلىرى ۋە ئىسرائىلىيەگە ھۇجۇم قىلغان. شەنبە كۈنى ھۇسى قوراللىق كۈچلىرى دۆلەت تەۋەلىكىگە قارىماي ئىسرائىلىيەگە بارىدىغان بارلىق پاراخوتلارنى نىشان قىلىدىغانلىقىنى ئېلان قىلغان ھەمدە خەلقئارا تىرانسپورت شىركەتلىرىنى ئىسرائىلىيە پورتى بىلەن ئالاقە قىلىشتىن ئاگاھلاندۇرغان.
ھۇسى قوراللىق كۈچلىرىنىڭ باياناتچىسى ئۆزلىرىنىڭ ھۇجۇملىرىنىڭ پەلەستىن خەلقىنى قوللىغانلىقى سەۋەبلىك ئىكەنلىكىنى، ئىسرائىلىيەنىڭ غەززە رايونىغا قىلىۋاتقان ھۇجۇمىنى توختاتمىغۇچە داۋاملىق زەربە بېرىدىغانلىقىنى تەكىتلىگەن.
ئىران بىلەن ئىتتىپاقلاشقان ھۇسىيلار ئىسرائىلىيە غەززەگە قۇرۇقلۇقتىن ھۇجۇم قىلىشقا باشلىغاندىن بۇيان، پات-پات ئىسرائىلىيە نىشانلىرىغا ھۇجۇم قىلىپ كەلمەكتە.
تەييارلىغۇچى: ئابدۇخەبەر رەجەپ