- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ئامېرىكا خىتاينىڭ ئۈچ چوڭ شىركىتىنى قارا تىزىملىككە كىرگۈزدى
ئامېرىكا مەجبۇرىي ئەمگەك بىلەن ئەيىبلەنگەن خىتاينىڭ ئۈچ چوڭ شىركىتىنىڭ مەھسۇلاتلىرىنى ئامېرىكىغا ئىمپورت قىلىشىنى چەكلىدى.
فىرانسىيە خەلقئارا رادىيوسىنىڭ 8-دېكابىردىكى خەۋىرىدە بىلدۈرۈلۈشىچە، ئامېرىكا ھۆكۈمىتى ئالدىنقى جۈمە خىتاي شىركەتلىرىگە قارشى قارا تىزىملىكنى كېڭەيتىپ، ئۇيغۇرلارنى مەجبۇرىي ئەمگەككە سېلىشقا چېتىلغان ئۈچ خىتاي شىركىتىگە ئىمپورت قىلىشنى چەكلەش قارارىنى ئېلان قىلغان.
ئامېرىكا دۆلەت بىخەتەرلىك مىنىستىرلىقى ئاخبارات ئېلان قىلىپ، خىتاينىڭ مەزكۇر ئۈچ شىركىتىنىڭ زىيانكەشلىككە ئۇچرىغۇچى گۇرۇپپا ئەزالىرىغا، بولۇپمۇ ئۇيغۇرلارغا زىيانكەشلىك قىلغان سودا ھەرىكىتى بىلەن شۇغۇللاندى دەپ ئەيىبلەنگەنلىكىنى، ئامېرىكا تەرەپ بۇ شىركەتلەرگە قارشى چوقۇم زۆرۈر كونترول قىلىش تەدبىرىنى يولغا قويۇپ، ئۇلارنىڭ تەمىنلەش زەنجىرىنى چەكلەش كېرەكلىكىنى بىلدۈرگەن.
خەۋەردە قەيت قىلىنىشىچە، 11-دېكابىردىن باشلاپ مەزكۇر ئۈچ شىركەت مەھسۇلاتلىرىنىڭ ئامېرىكىغا ئىمپورت قىلىنىشى رەسمىي چەكلىنىدىكەن. بۇنىڭ بىلەن ئامېرىكىغا مەھسۇلات ئېكسپورت قىلىشىغا رۇخسەت قىلىنمايدىغان خىتاي شىركەتلىرىنىڭ سانى 30 غا يېتىدىكەن. قارا تىزىملىككە كىرگۈزۈلگەن ئەڭ يېڭى ئۈچ شىركەت جۇڭلياڭ شېكەرچىلىك شىركىتى، سىچۈەن جىڭۋېيدا تېخنىكا گۇرۇھى چەكلىك شىركىتى ۋە ئەنخۇي شىنيا يېڭى ماتېرىياللار چەكلىك شىركىتى ئىكەن.
تەييارلىغۇچى: ئابدۇخەبەر رەجەپ