- بايدېن ھۆكۈمىتى خىتاينىڭ ئۆزەك سانائىتىگە تېخىمۇ كۆپ چەكلىمىلەرنى قويدى
- خىتاي ئۆز پۇقرالىرىنى سۇرىيەدىن تېزدىن چېكىنىپ چىقىشقا چاقىردى
- ئامېرىكا-خىتاي مەھبۇسلارنى ئالماشتۇرۇش ھەرىكىتىدە ئۈچ ئۇيغۇر قويۇپ بېرىلدى
- «ئىستىقلال ئاۋازى» ئايلىق ئاخبارات ژۇرنىلى | 2024-يىلى نويابىر
- ئىستانبۇلدا دىنىي ئىلىملەر ئوقۇغۇچىلىرى ئىلمىي مۇھاكىمە يىغىنى ئۆتكۈزۈلدى
- مالايشىيادىكى خەلقئارالىق يىغىندا شەرقىي تۈركىستان مەسىلىسى ئاساسلىق تېما بولدى
- فىرانسىيەدە ئىككى كىشى ئۆزەك تېخنىكىسى مەخپىيەتلىكىنى خىتايغا سېتىپ بېرىش بىلەن ئەيىبلەندى
- خىتاي ئىرقىي قىرغىنچىلىق مەسىلىسىدە ئافرىقا ئەللىرىنى ئالداشقا ئۇرۇندى
- خىتاي مەبلەغ سالغۇچىلار ۋىيېتنامغا كۆچۈشكە باشلىغان
- لىتۋانىيە خىتاينىڭ ئۈچ دىپلوماتىنى قوغلاپ چىقاردى
قازاقىستان ساقچىلىرى نامايىشچىلارنىڭ خىتاي كونسۇلخانىسىغا يېقىنلىشىشىنى توستى
بىر نەچچە يىلدىن بۇيان شەرقىي تۈركىستاندىكى ئۇرۇق-تۇغقانلىرىنىڭ ئىز-دېرىكىنى قىلىپ كەلگەن بەش قازاق نامايىشچى ئالمۇتىدىكى خىتاي كونسۇلخانىسىغا يېقىنلاشماقچى بولغاندا، قازاقىستان ساقچىلىرى تەرىپىدىن توسۇپ قېلىنغان.
ئەركىن ياۋروپا رادىيوسىنىڭ بۇ ھەقتىكى خەۋىرىدە قەيت قىلىنىشىچە، 4-دېكابىر ئەر-ئايالدىن تەشكىل تاپقان بەش قازاق نامايىشچى شەرقىي تۈركىستاندىكى جازا لاگېرىغا قامالغان ئۇرۇق-تۇغقانلىرىنىڭ قويۇپ بېرىلىشنى تەلەپ قىلىپ، ئالمۇتىدىكى خىتاي كونسۇلخانىسى ئالدىدا نارازىلىقىنى بىلدۈرمەكچى بولغان. ئەمما قازاقىستان ساقچىلىرى تەرىپىدىن توسۇپ قېلىنغان.
ياۋروپا رادىيوسىغا بىلدۈرۈشىچە، ئۇلارنىڭ ئائىلە-تاۋابىئاتلىرىنى سۈرۈشتە قىلىۋاتقىنىغا دەل مىڭ كۈن بولغانىكەن. شەرقىي تۈركىستاندىكى تۇغقانلىرى بولسا ئىسلام دىنىغا ئېتىقاد قىلىش ياكى توردىكى گەپ-سۆزلىرى سەۋەبلىك جازا لاگېرىغا قامالغانىكەن.
قازاقىستان دۇنيا بويىچە ئۇيغۇرلار ئەڭ كۆپ ئولتۇراقلاشقان ئىككىنچى دۆلەت بولسىمۇ، شۇنداقلا شەرقىي تۈركىستاندىكى جازا لاگېرلىرىغا ئۇيغۇرلاردىن سىرت، زور تۈركۈمدە قازاق خەلقى قامالغان بولسىمۇ، قازاقىستان ھۆكۈمىتى دۆلەت تەۋەلىكىدە خىتاينىڭ سىياسەتلىرىنى ئاشكارا تەنقىد قىلىشتىن ئۆزىنى تارتىپ كەلمەكتە.
تەييارلىغۇچى: ي. قۇرۇم