- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
فىلىپپىن تۇتقۇن قىلىنغان خىتايلارنىڭ ئۆلتۈرۈلگەنلىكىنى ئېلان قىلدى
بىر ئاي ئىلگىرى فىلىپپىننىڭ مانىلادا تۇتقۇن قىلىنغان تۆت خىتاي پۇقراسىنىڭ ئاللىبۇرۇن ئۆلتۈرۈلگەنلىكى ئېلان قىلىندى.
فىلىپپىن تاراتقۇلىرىنىڭ خەۋەر قىلىشىچە، 28-نويابىر فىلىپپىن ساقچى دائىرىلىرى مۇخبىرلارنى كۈتۈۋېلىش يىغىنىدا، تۇتقۇن قىلىنغان ئالتە خىتاي ئىچىدىكى ئىككىسىنىڭ ئۆلگەنلىكىنىڭ جەزملەشتۈرۈلگەنلىكىنى، باشقا ئىككى خىتاينىڭ جەسىتى تېپىلغانلىقىنى، ئەمما ساقچىلارنىڭ يەنىلا DNA تەكشۈرۈش نەتىجىسىنى ساقلاۋاتقانلىقىنى بىلدۈرگەن.
30-نويابىر خىتاينىڭ فىلىپپىندا تۇرۇشلۇق باش ئەلچىخانىسى خىزمەتچىلىرى نەندۇ خەۋەر قانىلىنىڭ مۇخبىرىغا ئۆزلىرىنىڭ تۆت خىتاي پۇقراسىنىڭ ئۆلتۈرۈلگەنلىكى ھەققىدىكى ئۇچۇرغا ئېرىشكەنلىكىنى ئېيتقان.
30-ئۆكتەبىر سەھەردە فىلىپپىن مانىلانىڭ جەنۇبىدىكى بىر ئالىي داچا مەھەللىسىدە ئالتە خىتاي پۇقراسى ۋە ئۈچ فىلىپپىن پۇقراسىنى ئۆز ئىچىگە ئالغان توققۇز كىشىنىڭ تۇتقۇن قىلىنغانلىقى ۋە ۋەقەدىن كېيىن ئۈچ فىلىپپىن پۇقراسىنىڭ تۇتقۇن قىلغۇچىلار تەرىپىدىن كالاۋەن بازىرىدا قويۇپ بېرىلگەنلىكى، ئەمما ئالتە خىتاي پۇقراسىنىڭ ئىز-دېرىكى بولمىغانلىقى خەۋەر قىلىنغانىدى.
ئارقىدىنلا 3-نويابىر خىتاينىڭ فىلىپپىندىكى باش ئەلچىخانىسىنىڭ باياناتچىسى ھەر بىر خىتاي پۇقراسىنىڭ بىخەتەرلىكىگە كۆڭۈل بۆلىدىغانلىقىنى، بۇ دېلوغا ئىنتايىن ئەھمىيەت بېرىۋاتقانلىقىنى بىلدۈرگەنىدى.
تەييارلىغۇچى: ئابدۇخەبەر رەجەپ