- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ئامېرىكا خىتاينىڭ تەيۋەنگە تاجاۋۇز قىلىشىنىڭ ئالدىنى ئېلىشنى پىلانلىماقتا
ئامېرىكا خىتاينىڭ تەيۋەنگە تاجاۋۇز قىلىش ھەرىكىتىنىڭ ئالدىنى ئېلىش ئۈچۈن، ئاسىيا-تىنچ ئوكيانغا قۇرۇقلۇقنى ئاساس قىلغان يېڭى تىپتىكى ئوتتۇرا مۇساپىلىك باشقۇرۇلىدىغان بومبا ئورۇنلاشتۇرۇشنى پىلانلىغان.
فىرانسىيە خەلقئارا رادىيوسىنىڭ 26-نويابىر خەۋەر قىلىشىچە، خىتاي بىلەن ئامېرىكا تالاش-تارتىش قىلىۋاتقان جەنۇبىي دېڭىز مەسىلىسىدە بىر-بىرىنى ئەيىبلەپ كېلىۋاتقان بولۇپ، خىتاي تەرەپ 25-نويابىر ئامېرىكىنىڭ باشقۇرۇلىدىغان سنارەدلىك قوغلىغۇچى پاراخوتنىڭ پاراسېل ئارىلىغا رۇخسەتسىز كىرگەنلىكىنى ئېيتقان. ئامېرىكا دېڭىز ئارمىيەسى بولسا ئامېرىكا ئۇرۇش پاراخوتىنىڭ دائىملىق يول باشلاش ئەركىنلىكى بار رايوندا ھەرىكەت قىلغانلىقىنى بىلدۈرگەن.
خەۋەردە ئامېرىكا قۇرۇقلۇق ئارمىيەسى تىنچ ئوكيان قوماندانى چارلېز فىلېن يېقىندا خىتاينىڭ تەيۋەنگە تاجاۋۇز قىلىشىنىڭ ئالدىنى ئېلىشتىكى ۋاسىتىلەرنىڭ بىرى سۈپىتىدە، كېلەر يىلى ئاسىيا تىنچ ئوكيان رايونىغا ئوتتۇرا مۇساپىلىك قۇرۇقلۇقتىن باشقۇرۇلىدىغان بومبا ئورۇنلاشتۇرۇلىدىغانلىقىنى بىلدۈرگەن.
ئامېرىكا ھەربىي خەۋەر تور بېكىتى «مۇداپىئە بىرىنچى»نىڭ خەۋىرىگە ئاساسلانغاندا، چارلېز فىلېن يېقىندا كانادادىكى خالىفاكىس خەلقئارا بىخەتەرلىك مۇنبىرىدە مۇخبىرلارغا ئامېرىكىنىڭ تىنچ ئوكيان رايونىغا ئورۇنلاشتۇرىدىغان قوراللىرىنىڭ قۇرۇقلۇقنى ئاساس قىلغان توماخاۋك چارلىغۇچى باشقۇرۇلىدىغان بومبىنى ئۆز ئىچىگە ئالىدىغانلىقىنى بىلدۈرگەن.
ئۇ يەنە مۇخبىرلارغا ئامېرىكىنىڭ مەزكۇر باشقۇرۇلىدىغان بومبىنى سىناق قىلغانلىقىنى ۋە 2024-يىلى ئورۇنلاشتۇرۇشنى پىلانلىغانلىقىنى ئېيتقان بولۇپ، خىتاينىڭ ھەربىي كۈچىنى تېز تەرەققىي قىلدۇرۇشىنىڭ خەتەرلىك يۆلىنىشكە قاراپ مېڭىۋاتقانلىقىنى ئىلگىرى سۈرگەن.
تەييارلىغۇچى: ئابدۇخەبەر رەجەپ