- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
خىتاي پاراخوتلىرى ياپونىيە دېڭىز تەۋەلىكىگە يەنە تاجاۋۇز قىلدى
خىتاي دېڭىز قىرغىقى مۇھاپىزەت پاراخوتلىرى ھەپتە ئاخىرىدا شەرقىي دېڭىزدىكى تالاش-تارتىشتىكى سېنكاكۇ تاقىم ئارىلى ئەتراپىدىكى ياپونىيەنىڭ دۆلەت تەۋەلىكىگە تاجاۋۇز قىلىپ كىردى.
ئانادولۇ ئاگېنتلىقىنىڭ بۈگۈنكى خەۋىرىدە بىلدۈرۈلۈشىچە، ئوكىناۋا ئۆلكىسىنىڭ ناخا رايونىدىكى 11-رايون دېڭىز قىرغىقى مۇھاپىزەت مەركىزىنىڭ باياناتىغا ئاساسلانغاندا، خىتاي دېڭىز قىرغىقى مۇھاپىزەت پاراخوتلىرى ياپونىيەنىڭ دېڭىز تەۋەلىكىگە تاجاۋۇز قىلىپ كىرگەن. ياپونىيە دېڭىز قىرغىقى مۇھاپىزەت ئەترىتى 4-نويابىر چۈشتىن بۇرۇن مىنامى-كوجىما رايونىغا كىرگەن ۋە ئۇ يەردىكى ياپون بېلىقچىلىق پاراخوتلىرىغا يېقىنلاشقان خىتاي پاراخوتلىرىغا ئاگاھلاندۇرغان. قاتتىق ئاگاھلاندۇرۇش ۋە ئالدىنى ئېلىش ھەرىكەتلىرىدىن كېيىن خىتاي پاراخوتلىرى 5-نويابىر چۈشتىن كېيىن رايوندىن ئايرىلغان.
ياپونىيە تەرەپ خىتاي پاراخوتلىرىنىڭ رايوندا تەخمىنەن 39 سائەت تۇرغانلىقىنى، بۇ تۈردىكى قانۇنغا خىلاپلىق قىلىش ھەرىكەتلىرى بۇ يىل 30-قېتىم يۈز بەرگەنلىكىنى بىلدۈرگەن.
ياپونىيە «سىنكاكۇ»، خىتاي «دىياۋيۈ» دەپ ئاتايدىغان تاقىم ئارىلى خىتاينىڭ شەرقىي دېڭىز قىرغىقى ۋە ياپونىيەنىڭ غەربىي جەنۇب دېڭىز قىرغىقىغا جايلاشقان بولۇپ، بەش ئارال ۋە ئۈچ تاشتىن تەركىب تاپقان ئادەمسىز رايون ياپونىيەنىڭ ئىگىدارچىلىقىدا بولۇپ، خىتاي بۇ رايوندا ئۇزۇندىن بۇيان ئىگىلىك ھوقۇقى تەلەپ قىلىپ كەلمەكتە.
تەييارلىغۇچى: ئى. ئۆتكۈر