- ئاتالمىش «مائارىپقا ياردەم بېرىش يىغىنى»دا خىتاينىڭ تېررور سىياسەتلىرى تەكىتلەندى
- خىتاي يادرو قوراللىرى زاپىسىنى ئۈزلۈكسىز كۆپەيتمەكتە
- ب د ت سۇرىيەنىڭ دېموكراتىك كېلەچىكىگە ئۈمىدۋار قارايدىغانلىقىنى تەكىتلىدى
- ئۇيغۇر مەجبۇرىي ئەمگىكى ھەققىدە يەنە بىر زور ھەجىملىك دوكلات ئېلان قىلىندى
- خىتاي چېگرادىن ۋىزىسىز كىرىش سىياسىتىنى ئومۇميۈزلۈك بوشاتقانلىقىنى ئېلان قىلدى
- ھىندىستان بىلەن خىتاي مۇناسىۋىتىنى ياخشىلاشقا داۋاملىق تىرىشماقتا
- «دىۋانۇ لۇغاتىت تۈرك» يېزىلغانلىقىنىڭ 950 يىللىقى ب د ت نىڭ خاتىرىلەش تىزىملىكىگە كىرگۈزۈلدى
- خىتاي ئۇيغۇرلارغا قاراتقان تېررور سىياسىتىنى تۇڭگانلارغىمۇ مەلۇم دەرىجىدە ئىجرا قىلماقتا
- ياۋروپا ئىتتىپاقى رۇسىيە ئارمىيەسىنى قوللىغان خىتاي شىركەتلىرىگە جازا يۈرگۈزدى
- ئۇيغۇرلار تارىختا قۇرغان يەنە بىر دۆلەت - قارلۇقلار خانىدانلىقى
ئىستانبۇلدا شېھىتلەرگە ئاتاپ دۇئا-تىلاۋەت يىغىلىشى ئۆتكۈزۈلدى
ئىستانبۇلدا شەرقىي تۈركىستان ۋە پەلەستىندە ئۆلتۈرۈلگەن شېھىتلار ئۈچۈن مەخسۇس دۇئا-تىلاۋەت يىغىلىشى ئۆتكۈزۈلدى.
پائالىيەتنى شەرقىي تۈركىستان ئۆلىمالار بىرلىكى تەشكىللىگەن بولۇپ، 16-ئۆكتەبىر خۇپتەن نامىزىدىن كېيىن ئىستانبۇلنىڭ سەفاكۆي رايونىغا جايلاشقان فاتىھ جامەسىدە ئۆتكۈزۈلدى.
ئالدى بىلەن شەرقىي تۈركىستان ئۆلىمالار بىرلىكىنىڭ مۇئاۋىن رەئىسى ئۇستاز مەھمۇدجان داموللام سۆز قىلىپ، شەرقىي تۈركىستاننىڭ مۇستەقىللىق دەۋاسىنى ئىمان ۋە ۋەتەن ئاساسىدا قىلىش كېرەكلىكىنى، ئىمان بىلەن ۋەتەن ئۇقۇمىنىڭ بىر-بىرىگە زىت ئەمەسلىكىنى تەكىتلىدى.
پائالىيەت داۋامىدا شەرقىي تۈركىستاندىكى تۈرمە ۋە جازا لاگېرلىرىدا خىتاينىڭ زىيانكەشلىكىگە ئۇچرىغان شېھىتلەرگە دۇئا قىلىش بىرگە، نۆۋەتتە ئىشغالىيەت ئاستىدىكى پەلەستىننىڭ غەززە رايونىدا ئىسرائىلىيە ئارمىيەسىنىڭ قارا-قويۇق بومباردىمان قىلىشى نەتىجىسىدە ھاياتىدىن ئايرىلغان شېھىتلەرگە ئاتاپ غايىبانە جىنازا نامىزى ئوقۇلدى.
ئاخىرىدا شەرقىي تۈركىستان خەلقىنىڭ خىتاينىڭ ئىشغالىيىتىدىن، ئىرقىي قىرغىنچىلىقىدىن قۇتۇلۇشى، پەلەستىن خەلقىنىڭ باشتىن كەچۈرۈۋاتقان پاجىئەلىك ئۇرۇشنىڭ ئاخىرلىشىشى ئۈچۈن دۇئالار قىلىندى.
تەييارلىغۇچى: ئابدۇخەبەر رەجەپ