- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
پەلەستىن-ئىسرائىلىيە توقۇنۇشىدا ئۈچ خىتاي ئۆلدى
پەلەستىن-ئىسرائىلىيە توقۇنۇشى جەريانىدا ئۈچ خىتاي ئۆلگەن بولۇپ، خىتاي تاشقى ئىشلار مىنىستىرلىقى بۇنى دەلىللىدى.
خىتاي تاشقى ئىشلار مىنىستىرلىقى باياناتچىسى ۋاڭ ۋېنبىن 12-ئۆكتەبىردىكى مۇخبىرلارنى كۈتۈۋېلىش يىغىنىدا، ھازىرغىچە ئۈچ خىتاي پۇقراسىنىڭ ئىسرائىلىيە-پەلەستىن توقۇنۇشىدا ئۆلگەنلىكىنى جەزملەشتۈرگەنلىكىنى، ئىككى خىتاي بىلەن ئالاقە ئۈزۈلۈپ قالغانلىقىنى، بىر نەچچە خىتاينىڭ يارىلانغانلىقىنى بىلدۈرگەن.
ئۇ يەنە باياناتىدا خىتاينىڭ چەت ئەلدە تۇرۇشلۇق ئالاقىدار تاشقى ئىشلار ئاپپاراتلىرىنى يارىدارلارنى قۇتقۇزۇش، ئۆلگەنلەرنى بىر تەرەپ قىلىش ئىشلىرىنى ماسلاشتۇرۇش، ئالاقە ئۈزۈلۈپ قالغان خادىملارنى ئىزدەش، خىتاي ئاپپاراتلىرىنىڭ بىخەتەرلىكىگە كاپالەتلىك قىلىشقا چاقىرىق قىلىدىغانلىقىنى بىلدۈرگەن.
مەلۇم بولۇشىچە، يېڭى بىر نۆۋەتلىك پەلەستىن-ئىسرائىلىيە توقۇنۇشىدا نۇرغۇن چەت ئەل پۇقرالىرىنى ئۆز ئىچىگە ئالغان مىڭلىغان كىشى ھاياتىدىن ئايرىلغان ۋە يارىلانغان بولۇپ، ھازىرغىچە 22 ئامېرىكا پۇقراسى، 10 نەچچە ئەنگلىيە پۇقراسى ھاياتىدىن ئايرىلغان ياكى يوقاپ كەتكەن.
تەييارلىغۇچى: ئابدۇخەبەر رەجەپ