- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ئەنقەرەدە ياپونىيە باش ئەلچىسىنىڭ قاتنىشىشى بىلەن شەرقىي تۈركىستان ھەققىدىكى كىتاب سۆھبەت يىغىنى ئېچىلدى
ئەنقەرە ئىجتىمائىي پەنلەر ئۇنىۋېرسىتېتىدا «شەرقىي تۈركىستان: خىتاي ھۆكۈمرانلىقىدا ئۆتكەن 70 يىل» ناملىق كىتابنىڭ نەشردىن چىققانلىقى مۇناسىۋىتى بىلەن سۆھبەت يىغىنى ئۆتكۈزۈلدى.
مەزكۇر يىغىن ئۇنىۋېرسىتېتنىڭ كۇتۇپخانىسىدا ئۆتكۈزۈلگەن بولۇپ، ياپونىيەنىڭ ئەنقەرەدىكى باش ئەلچىسى كاتسۇماتا تاكاھىكو نىڭ ئېچىلىش نۇتقى بىلەن باشلاندى.
ئېچىلىش نۇتقىدىن كېيىن «شەرقىي تۈركىستان: خىتاي ھۆكۈمرانلىقىدا ئۆتكەن 70 يىل» ناملىق كىتابنىڭ ئاپتورى ياپونىيە خوسېي ئۇنىۋېرسىتېتىنىڭ پىروفېسسورى دوكتور جۇن كاماكۇرا ئەپەندى كىتاب ھەققىدە سۆز قىلدى.
ئارقىدىن ياپونىيە كاگوشىما خەلقئارا ئۇنىۋېرسىتېتىنىڭ پىروفېسسورى دوكتور سەيجى نىشىخارا يەنە «خىتاينىڭ يېڭى يىپەك يولى ئىستراتېگىيەسى ۋە مەدەنىيەت قىرغىنچىلىقى» ناملىق نۇتقىنى سۆزلىدى.
كىتاب تونۇشتۇرۇش سۆھبەت يىغىنى باش ئەلچى كاتسۇماتا تاكاھىكو ۋە باشقا سۆز قىلغان دوكتورلارغا مىننەتدارلىق گۇۋاھنامىسى سۇنۇلغاندىن كېيىن ئاخىرلاشتى.
مەزكۇر كىتاب ئەنقەرە ئىجتىمائىي پەنلەر ئۇنىۋېرسىتېتى ئوقۇتقۇچىسى دوكتور ھاجى قۇتلۇق قادىرى تۈركچىگە تەرجىمە قىلىنغان بولۇپ، شەرقىي تۈركىستاننىڭ يېقىنقى زامان تارىخىنى تۈرك ئوقۇرمەنلىرىگە يورۇتۇپ بېرىشتە ئىنتايىن قىممەتلىك ئەسەر دەپ قارالماقتا.
دوكتور ھاجى قۇتلۇق قادىرى، پىروفېسسور دوكتور جۇن كاماكۇرا ۋە پىروفېسسور دوكتور سەيجى نىشىخارا بۇ يىلقى شەرقىي تۈركىستان مىللىي بىرلىك شۇراسىنىڭ ئاخىرقى كۈنى يىغىنغا قەدەم تەشرىپ قىلىپ، دۇنيانىڭ ھەرقايسى جايلىرىدىن كەلگەن يىغىن ئەھلىگە سۆز قىلغانىدى.
تەييارلىغۇچى: ئى. ئۆتكۈر