- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
خىتاي خوڭكوڭدىكى بارلىق كونسۇلخانىلاردىن يەرلىك خىزمەتچىلەرنىڭ شەخسىي ئۇچۇرلىرىنى تەلەپ قىلدى
خىتاي تاشقى ئىشلار مىنىستىرلىقى خوڭكوڭ ئالاھىدە مەمۇرىي رايونىدىكى بارلىق كونسۇلخانىلارنىڭ يەرلىك خىزمەتچىلىرىنىڭ شەخسىي ئۇچۇرلىرىنىڭ ئۇلارغا يەتكۈزۈلۈشىنى تەلەپ قىلدى.
ت ر ت نىڭ بۈگۈنكى خەۋىرىدە بىلدۈرۈلۈشىچە، خىتاي تاشقى ئىشلار مىنىستىرلىقى خوڭكوڭدىكى بارلىق كونسۇلخانىلارغا ۋە ياۋروپا ئىتتىپاقى ئىشخانىسىغا بۇ ھەقتە خەت ئەۋەتكەن بولۇپ، خوڭكوڭدىكى چەت ئەل كونسۇلخانىلىرىنىڭ يەرلىك خىزمەتچىلىرىنىڭ ئىسىم-فامىلىسى، خىزمەتتىكى سالاھىيىتى، تۇرالغۇ ئادرېسى، كىملىك نومۇرى ۋە ساياھەت ھۆججەت نومۇرى قاتارلىق تىزىملىكلەرنىڭ 18-ئۆكتەبىرگىچە مىنىستىرلىققا سۇنۇلۇشى تەلەپ قىلىنغان.
شۇنداقلا خىتاي رېجىمى يەنە كەلگۈسىدە خىزمەتكە قوبۇل قىلىنىدىغان يەرلىك خىزمەتچىلەرنىڭ ئۇچۇرلىرىنى قوبۇل قىلىنغاندىن كېيىنكى 15 كۈن ئىچىدە خىتاي كوممۇنىست رېجىمىغا بىلدۈرۈشى كېرەكلىكىنى ئۇقتۇرغان.
تەييارلىغۇچى: ئى. ئۆتكۈر