- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ئېلون ماسكنىڭ خىتايپەرەس سۆزلىرى كۈچلۈك نارازىلىق قوزغىدى
تېسلا شىركىتىنىڭ باش دېرىكتورى ئېلون ماسكنىڭ تەيۋەن ۋە ئۇيغۇرلار مەسىلىسىدە خىتايغا يان باسقان سۆزلىرى كۈچلۈك نارازىلىق قوزغىدى.
ئېلون ماسك بىر نەچچە كۈن بۇرۇنقى بىر زىيارەتتە تەيۋەننى خىتاينىڭ بىر پارچىسى تەرىقىسدە سۈپەتلىگەن بولۇپ، تەيۋەن تاشقى ئىشلار مىنىستىرى ۋۇ جاۋشيې تەيۋەننىڭ ئېلون ماسكقا رەددىيە بېرىپ: «تەيۋەن خىتاي خەلق جۇمھۇرىيىتىنىڭ بىر پارچىسى ئەمەس ۋە قەتئىي سېتىلمايدۇ» دېدى.
«مۇھاپىزەتچىلەر گېزىتى» نىڭ خەۋىرىگە ئاساسلانغاندا، ئېلون ماسك ئالدىنقى ھەپتە ئامېرىكىنىڭ لوس ئانژېلېستا ئۆتكۈزۈلگەن ۋە فىلىمى بۇ ھەپتە يۇتيۇب تورىغا يوللانغان باشلىقلار يىغىنىدا سۆز قىلىپ، خىتاينى ئىما قىلغان ھالدا «ئۇلارنىڭ سىياسىتى تەيۋەننى خىتاي بىلەن بىرلەشتۈرۈش... ئۇلارنىڭ نۇقتىسىدىن قارىغاندا، بۇنى ھاۋاي ئىشتاتى بىلەن ئامېرىكىنىڭ مۇناسىۋىتىگە ئوخشىتىش مۇمكىن... تەيۋەن خىتاينىڭ ئايرىلماس بىر قىسمى» دېگەندەك ئىپادىلەرنى ئىشلەتكەن بولۇپ، ماسكنىڭ سۆزلىرى تەيۋەندە غۇلغۇلا قوزغىغان.
تەيۋەن تاشقى ئىشلار مىنىستىرى ۋۇ جاۋشيې ئىجتىمائىي ئالاقە سۇپىسى Xدا ماسكقا خىتاب قىلىپ، X نىڭ خىتايدا چەكلەنگەنلىكىنى ئەسكەرتىپ تۇرۇپ، ماسكنىڭ خىتاينى X نى ئۆز خەلقىگە ئېچىشقا چاقىرسا بولىدىغانلىقىنى ئېيتقان ۋە ماسكقا مەسخىرىلىك كىنايە قىلغان ھالدا: «بەلكىم ئۇ چەكلەشنى ياخشى سىياسەت دەپ ئويلىشى مۇمكىن، خۇددى ئۇ ئۇكرائىنانىڭ رۇسىيەگە قاراتقان ھۇجۇمىنىڭ ئالدىنى ئېلىش ئۈچۈن ستارلىنكنى تاقىۋەتكەنگە ئوخشاش» دەپ نارازىلىقىنى بىلدۈرگەن ۋە: «تەيۋەن خىتاي خەلق جۇمھۇرىيىتىنىڭ بىر پارچىسى ئەمەس ۋە قەتئىي سېتىلمايدۇ» دېگەن.
ئۇندىن باشقا ۋولتېر ئايزىكسىننىڭ يېڭى نەشردىن چىققان كىتابىدا قەيت قىلىنىشىچە، ئېلون ماسك خىتاينىڭ ئۇيغۇرلارنى باستۇرۇش سىياسىتىنىڭ «ئىككى تەرەپلىك مەسىلە» ئىكەنلىكىنى تەكىتلىگەن بولۇپ، ئۇنىڭ خىتاي رېجىمىنىڭ ئىرقىي قىرغىنچىلىق جىنايىتىنى ئاقلايدىغان بۇ سۆزلىرىمۇ كۈچلۈك نارازىلىق قوزغىماقتا.
تەييارلىغۇچى: ئى. ئۆتكۈر