- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ھىندىستان ئەمدى خىتايدىن يانفون ئىمپورت قىلمايدىغان بولدى
ھىندىستان ئەمدى خىتايدىن يانفون ئىمپورت قىلمايدىغان ھالەتكە كەلگەن بولۇپ، خىتاينىڭ ھەر يىلى 180 مىليون دانە يانفون تىجارىتىدىن مەھرۇم قالىدىغانلىقى بىلدۈرۈلدى.
خەلقئارا خەۋەرلەر تورىنىڭ بۈگۈنكى خەۋىرىدە بىلدۈرۈلۈشىچە، ھىندىستاننىڭ يانفون ئىشلەپچىقىرىش سانائىتىنىڭ كۈنسېرى مۇكەممەللىشىشىگە ئەگىشىپ، خىتايغا تايىنىشنىڭ ھاجىتى قالمىغان. بازار ئانالىزىنى ھېسابقا ئالمىغان تەقدىردىمۇ ئالما شىركىتى 2025-يىلغا بارغاندا %25 ئىشلەپچىقىرىش ئورنىنى ھىندىستانغا يۆتكەشنى پىلان قىلغان.
خىتاينىڭ شياۋمى، OPPO ۋە vivo يانفونلىرىمۇ ھىندىستاندا ئىشلەپچىقىرىلىدىغان بولۇپ، بۇ پىلاننىڭ خىتاينىڭ يانفون ئىشلەپچىقارغۇچىلىرىغا قاتتىق زەربە ئىكەنلىكى، خىتاي ھەر يىلى 180 مىليون دانە يانفون زاكاز قىلىش ئارقىلىق ئالىدىغان پايدىدىن ئايرىلىپ قالىدىغانلىقى بىلدۈرۈلدى.
ئايفوننىڭ پۈتۈپ چىقىش جەريانىدىن قارىغاندا، ئايفون ئالما شىركىتىنىڭ ئامېرىكىدىكى باش ئىشتابىدا لايىھەلەنگەن بولۇپ، ئايفونغا ئامېرىكا ئۆزەك ئىشلەپچىقارغۇچى شىركەت تەمىنلىگەن يانفوننىڭ ئاساسلىق ئۆزىكى ۋە ياپونىيە ۋە كورېيە تەمىنلىگەن كۆرسىتىش ئېكرانى ۋە باشقا ئىچكى زاپچاس قاتارلىق مۇھىم زاپچاسلار ئىشلىتىدىكەن. ئاندىن قالغان زاپچاسلارنى خىتاي شىركەتلىرى تەمىنلەيدىكەن. ئاخىرىدا خېنەننىڭ جېڭجۇدىكى فوكىسكون زاۋۇتىدا قوراشتۇرۇلۇپ، ھاۋا يولى ئارقىلىق دۇنيانىڭ ھەرقايسى جايلىرىغا توشۇلىدىكەن.
ئالما دۇنيادىكى ئەڭ چوڭ ئىشلەپچىقىرىش بازىسى بولۇش سۈپىتى بىلەن، خىتاي دۇنيادىكى %90 تىن ئارتۇق iPhone مەھسۇلاتلىرىنى قوراشتۇرۇپ ئىشلەپچىقىرىدىكەن. تەكشۈرۈشتىن مەلۇم بولۇشىچە، خىتاي 2022-يىلى ئالما يانفون ئىشلەپچىقىرىش ۋە قوراشتۇرۇشتا %96 نى، ھىندىستان تەخمىنەن %4 نى ئىگىلىگەن. ئەمما ئۆتكەن يىلى 9-ئايدىن باشلاپ، نۇرغۇن ئىستېمالچىلار iPhone14 نىڭ تاش قېپىغا «ھىندىستاندا قوراشتۇرۇلغان» دېگەن سۆزنىڭ بېسىلغانلىقىنى بايقىغان بولۇپ، بۇ ئەڭ يېڭى ئايفونلارنىڭ ھىندىستاندا ئىشلەپچىقىرىلىشقا باشلىغانلىقىدىن دېرەك بېرىدىكەن. ئالما شىركىتى يەنە 2025-يىلغىچە ئىشلەپچىقىرىش بازىسىنىڭ %25 نى ھىندىستانغا يۆتكەشنى پىلانلىغان.
بۇ خىل يۈزلىنىش خىتاي بىلەن ھىندىستان ئوتتۇرىسىدىكى يانفون سودا ئەندىزىسىنى بىر پۈتۈن ئۆزگەرتىۋەتكەن بولۇپ، 2014-يىلىدىن بۇيان خىتاي ھەر يىلى ھىندىستانغا 180 مىليون يانفون ئېكسپورت قىلىپ كېلىۋاتقان بولۇپ، ئەمما يېقىنقى يىللاردىن بۇيان ھىندىستاننىڭ سانائەت مۇھىتىنىڭ يانفون ئىشلەپچىقىرىشتا تەدرىجىي مۇكەممەللىشىشىگە ئەگىشىپ، خىتايدىن ئىمپورت قىلىشنىڭ ھاجىتى قالمىغان.
تەييارلىغۇچى: ئابدۇخەبەر رەجەپ