- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
17 ياشلىق ئۇيغۇر بوكس ماھىرى مۇستەقىل دۆلەتلەر ھەمكارلىقى مۇسابىقىسىدە ئىككىنچى بولدى
مۇستەقىل دۆلەتلەر ھەمكارلىقى 2-نۆۋەتلىك خەلقئارا بوكس مۇسابىقىسىدە قىرغىزىستانلىق 17 ياشلىق ئۇيغۇر ماھىرى ئىككىنچىلىككە ئېرىشتى.
6-ئاۋغۇست كۈنىدىن بىرى داۋام قىلىۋاتقان بېلارۇسىيەدە ئۆتكۈزۈلگەن مۇستەقىل دۆلەتلەر ھەمكارلىقى 2-نۆۋەتلىك خەلقئارا بوكس مۇسابىقىسىدە، قىرغىزىستانلىق ئۇيغۇر بوكس ماھىرى مۇھەممەد ئەزىز زەكىرۇفنىڭ نەتىجىسى كۆرۈنەرلىك بولۇپ، تاللاش ۋە يېرىم ھەل قىلغۇچى مۇسابىقىدە ئارقا-ئارقىدىن تۈركمەنىستانلىق ۋە بېلارۇسىيەلىك ماھىرلارنى يېڭىپ، ھەل قىلغۇچ مۇسابىقىگە قاتنىشىش سالاھىيىتىگە ئېرىشكەن.
قىرغىزىستانلىق ئۇيغۇر بوكس ماھىرى مۇھەممەد ئەزىز زەكىرۇف 12-ئاۋغۇست 80 كىلوگىراملىقلار دەرىجىسى بويىچە ئۆتكۈزۈلگەن چېمپىيونلۇقنى تالىشىش مۇسابىقىسىدە، ئۆزبېكىستانلىق بوكس ماھىرىغا ئۇتتۇرۇپ ئىككىنچىلىككە ئېرىشكەن.
ئۇيغۇر بوكسچى مۇھەممەد ئەزىز زەكىرۇف قىرغىزىستان جۇمھۇرىيىتى مىللىي ياشلار كوماندىسىنىڭ ئەزاسى بولۇپ، 80 كىلوگېراملىقلار دەرىجىسى بويىچە بوكس مۇسابىقىلىرىگە قاتنىشىپ كەلمەكتە. ئۇ يېقىندىن بىرى قىرغىزىستان، ئۆزبېكىستان ھەتتا ئوتتۇرا ئاسىيا بويىچە ئۆتكۈزۈلگەن مۇسابىقىلەردە ئارقا-ئارقىدىن چېمپىيون بولۇپ شانلىق نەتىجىلەرنى قولغا كەلتۈرگەن. گەرچە بۇ قېتىمقى مۇسابىقىدە ئۆزبېكىستانلىق بوكس ماھىرىغا ئۇتتۇرۇپ قويغان بولسىمۇ، بىراق ئۇ 17 ياش تۇرۇپ بۇ ساھەدە قولغا كەلتۈرگەن نەتىجىسى قىرغىزىستاندا ياشاۋاتقان ئۇيغۇرلارنى سۆيۈندۈرگەن. مەلۇم بولۇشىچە، قىرغىزىستان مۇستەقىل بولغان 30 يىلدىن بۇيان، قىرغىزىستاندا ياشاۋاتقان ئۇيغۇرلار ئىچىدە بۇ ساھەدە مۇھەممەد ئەزىز زەكىرۇفدەك كۆزگە كۆرۈنەرلىك بىرەرسى چىقىپ باقمىغان.
تەييارلىغۇچى: ئابدۇخەبەر رەجەپ