- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
بېلارۇسىيەدە ئۆتكۈزۈلگەن بوكس مۇسابىقىسىدە ئۇيغۇر ماھىرنىڭ نەتىجىسى كۆرۈنەرلىك بولدى
بېلارۇسىيەدە ئۆتكۈزۈلگەن بوكس مۇسابىقىسىدە قىرغىزىستانلىق ئۇيغۇر بوكس ماھىرى مۇھەممەد ئەزىز زەكىرۇفنىڭ نەتىجىسى كۆرۈنەرلىك بولۇپ، ئارقا-ئارقىدىن تۈركمەنىستانلىق ماھىر بىلەن بېلارۇسىيەلىك بوكس ماھىرىنى يېڭىپ، ھەل قىلغۇچ مۇسابىقىگە قاتنىشىش سالاھىيىتىگە ئېرىشكەن.
مەزكۇر مۇسابىقە 7-ئاۋغۇست باشلانغان بولۇپ، ئۇيغۇر بوكس ماھىرى مۇھەممەد ئەزىز زەكىرۇف 8-ئاۋغۇست ئۆتكۈزۈلگەن 80 كىلوگىراملىقلار دەرىجىسى بويىچە ئۆتكۈزۈلگەن تاللاش مۇسابىقىسىدە ئالدى بىلەن تۈركمەنىستانلىق بوكس ماھىرىنى يېرىم مەيداندا بويسۇندۇرۇپ، ئالاھىدە ئۈستۈنلۈك بىلەن يېرىم ھەل قىلغۇچ مۇسابىقىگە كىرىش سالاھىيىتىگە ئېرىشكەن. ئۇ 9-ئاۋغۇست بېلارۇسىيەلىك بوكس ماھىرى بىلەن مەيدانغا چۈشكەن بولۇپ، مۇسابىقىدە رەقىبىنى يېڭىپ، شۇ تۈردىكى ھەل قىلغۇچ مۇسابىقىگە قاتنىشىش سالاھىيىتىگە ئېرىشكەن.
ئۇيغۇر بوكسچى مۇھەممەد ئەزىز زەكىرۇف قىرغىزىستان جۇمھۇرىيىتى مىللىي ياشلار كوماندىسىنىڭ ئەزاسى بولۇپ، 80 كىلوگېراملىقلار دەرىجىسى بويىچە بوكس مۇسابىقىلىرىگە قاتنىشىپ كېلىۋاتقان بوكس ماھىرى. ئۇ يېقىندىن بىرى قىرغىزىستان، ئۆزبېكىستان ھەتتا ئوتتۇرا ئاسىيا بويىچە ئۆتكۈزۈلگەن مۇسابىقىلەردە ئارقا-ئارقىدىن چېمپىيون بولۇپ شانلىق نەتىجىلەرنى قولغا كەلتۈرگەن.
تەييارلىغۇچى: ئابدۇخەبەر رەجەپ