- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ئامېرىكا مۇداپىئە مىنىستىرى: بىز خىتايغا قارشى ئىتتىپاقداشلىرىمىزنىڭ يېنىدا
ئامېرىكا دۆلەت مۇداپىئە مىنىستىرى لويىد ئوستىن ئامېرىكىنىڭ خىتاينىڭ زومىگەرلىك ۋە كۆكەمىلىك قىلمىشلىرىغا قارشى كۈرەش قىلىۋاتقان دۆلەتلەرنىڭ يېنىدا ئىكەنلىكىنى بىلدۈردى.
بۇ ھەقتىكى خەۋەرلەردە بىلدۈرۈلۈشىچە، ئامېرىكا تاشقى ئىشلار مىنىستىرى ئانتونى بىلىنكېن بىلەن ئاۋسترالىيەدە زىيارەتتە بولۇۋاتقان ئامېرىكا دۆلەت مۇداپىئە مىنىستىرى لويد ئوستىن ئاۋسترالىيە دۆلەت مۇداپىئە مىنىستىرى رىچارد مارلېس بىلەن كۆرۈشكەن.
ئوستىن يىغىندىن ئىلگىرى ئاخبارات ۋاسىتىلىرىگە بەرگەن باياناتىدا، ئامېرىكىنىڭ خىتايغا قارشى ئۆزىنى قوغدايدىغان ئىتتىپاقداش دۆلەتلەرنى داۋاملىق قوللايدىغانلىقىنى بىلدۈرۈپ، خىتاينىڭ شەرقىي دېڭىزدىن جەنۇبىي خىتاي دېڭىزىغىچە ۋە غەربىي جەنۇب تىنچ ئوكيانغىچە بولغان رايونلاردا خىتاينىڭ بېسىمى بولۇۋاتقانلىقىغا ئىشارەت قىلغان ۋە خىتايغا قارشى ئۆزلىرىنى قوغداۋاتقان ئىتتىپاقداش دۆلەتلەرنى قوللاشنى داۋاملاشتۇرىدىغانلىقىنى تەكىتلىگەن.
مىنىستىر ئوستىن يەنە ئاۋسترالىيە ۋە ئامېرىكىنىڭ خىتاينىڭ خەلقئارا قانۇن ۋە قائىدىلەردىن چىقىپ كېتىشىدىن ئەنسىرەيدىغانلىقىنى ئىلاۋە قىلغان.
نۆۋەتتە بىلىنكېن بىلەن ئوستىن بىرىسباندا ئىككى تەرەپلىك ئۇچرىشىشلاردا بولۇۋاتقان بولۇپ، يادرو ئېنېرگىيەسى بىلەن ھەرىكەتلىنىدىغان سۇ ئاستى پاراخوتى ئەترىتىنى ئاۋسترالىيە دېڭىز ئارمىيەسىگە قوشۇش ئۈچۈن كۆرۈشۈشلەردە بولماقتا.
ئاۋسترالىيە 2021-يىلى ئۆكتەبىردە ئامېرىكا ۋە ئەنگلىيە بىلەن يادرو سۇ ئاستى پاراخوتى تېخنىكىسى ساھەسىدىكى ھەمكارلىق كۆزدە تۇتۇلغان AUKUS كېلىشىمىنى ئىمزالىغانىدى. بۇ كېلىشىم بىلەن ئادېلەيدتىكى پاراخوت زاۋۇتىدا كەم دېگەندە سەككىز يادرو ئېنېرگىيەلىك سۇ ئاستى پاراخوتى ياسىلىدىغانلىقى ئېلان قىلىنغانىدى.
تەييارلىغۇچى: ئى. ئۆتكۈر