- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ئامېرىكا كېڭەش پالاتاسى خىتاي ھەققىدە يېڭى قانۇن لايىھەسى ماقۇللىدى
ئامېرىكا كېڭەش پالاتاسى ئامېرىكا شىركەتلىرىنىڭ خىتاي تېخنىكا ساھەسىگە مەبلەغ سېلىش ئەھۋالىنى دوكلات قىلىشنى تەلەپ قىلىدىغان قانۇن لايىھەسىنى ماقۇللىدى.
ئامېرىكا ئاۋازىنىڭ خەۋىرىدە بىلدۈرۈلۈشىچە، ئامېرىكا كېڭەش پالاتاسى 25-ئىيۇل زور كۆپ سانلىقنىڭ قوللىشىغا ئېرىشكەن قانۇننى ماقۇللاپ، ئامېرىكا شىركەتلىرىنىڭ خىتاينىڭ يېرىم ئۆتكۈزگۈچ ۋە سۈنئىي ئىدراك ساھەسىگە مەبلەغ سالغاندا فېدېراتسىيە ئورگانلىرىغا دوكلات قىلىشىنى تەلەپ قىلدى.
100 كىشىلىك كېڭەش پالاتا ئەزاسى ئىچىدە 91 ئاۋازنىڭ قوللىشى، ئالتە ئاۋازنىڭ قارشى تۇرۇشى بىلەن «دۆلەت مۇداپىئە ھوقۇق قانۇنى (NDAA) غا تۈزىتىش كىرگۈزۈش» قانۇنى ماقۇللاندى. مەزكۇر قانۇن ئامېرىكا دۆلەت مۇداپىئە مىنىستىرلىقى ئۈچۈن سىياسەت بەلگىلەيدىغان بولۇپ، مۆلچەرلىنىشىچە بۇ يىلنىڭ ئاخىرىدا رەسمىي قانۇنغا ئايلىنىدىكەن. ئۇندىن باشقا يەنە خىتايغا قاتتىق پوزىتسىيە تۇتۇش ئامېرىكا پارلامېنتىدا ئىككى پارتىيە ئەزالىرىنىڭ ئورتاق تونۇشى بولۇپ، پارلامېنت ئەزالىرى خىتاي سانائىتى بىلەن بولغان رىقابەتنى ھەل قىلىشقا ئالاقىدار ئون نەچچە قانۇن لايىھەسىنى ئوتتۇرىغا قويغان.
تۈزىتىش كىرگۈزۈلگەن بۇ قانۇننى دېموكراتچىلار پارتىيەسىنىڭ كېڭەش پالاتا ئەزاسى بوب كەيسى ۋە جۇمھۇرىيەتچىلەر پارتىيەسىنىڭ كېڭەش پالاتا ئەزاسى جون كورنىن ئوتتۇرىغا قويغان. بۇ قانۇن «چېگرا سىرتىدىكى مەبلەغنى ئاشكارىلاش قانۇنى»نىڭ بىر نۇسخىسى بولۇپ، ئامېرىكا مەبلىغىنىڭ خىتاي قاتارلىق چەت ئەل دۈشمەنلىرىگە ئېقىۋاتقان مەبلەغ ۋە خەۋپىنى ھەل قىلىش ئۈچۈن تەييارلانغان.
تەييارلىغۇچى: ئابدۇخەبەر رەجەپ