- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
قازاقىستان باش ئەلچىسى دوكتور قۇتلۇق قادىرىغا دوپپا كىيدۈردى
23-ئىيۇل ئەنقەرەدە تۈركىيە جۇمھۇرىيىتىنىڭ قۇرۇلغانلىقىنىڭ 100 يىللىقى ۋە تۈركسوي تەشكىلاتى قۇرۇلغانلىقىنىڭ 30 يىللىقى مۇناسىۋىتى بىلەن، «قازاق قول سەنئەتلىرى كۆرگەزمىسى» ئېچىلغان بولۇپ، قازاق خەلقىنىڭ ھەرخىل قول-ھۈنەرۋەنچىلىك بۇيۇملىرى ۋە مەدەنىيىتى كۆرگەزمە قىلىندى.
مەزكۇر كۆرگەزمىگە ياپونىيە كاگوشىما ئۇنىۋېرسىتېتى ئوقۇتقۇچىسى ۋە نۆۋەتتە ئەنقەرە ئىجتىمائىي پەنلەر ئۇنىۋېرسىتىتى چەت ئەل تىلى فاكۇلتېتى ياپون تىلى بۆلۈمى ئوقۇتقۇچىسى بولۇپ خىزمەت قىلىۋاتقان دوكتور ھاجى قۇتلۇق قادىرىمۇ تەكلىپ قىلىنغان بولۇپ، كۆرگەزمىدە ئۇنىڭ ياپون تارىخچى م. ماتسۇبارانىڭ كۆزى بىلەن «قازاق تۈركلىرى - شەرقىي تۈركىستاندىن تۈركىيەگە ئەركىنلىك كۆچۈشى» ناملىق تۈركچە تەييارلىغان كىتابىنىڭ ئىمزا قويۇپ تارقىتىش پائالىيىتى ئۆتكۈزۈلدى.
مەزكۇر پائالىيەتكە قازاقسىتاننىڭ ئەنقەرەدىكى باش ئەلچىسى يەركەبۇلان ساپىيوف Yerkebulan Sapiyev مۇ قاتناشقان بولۇپ، دوكتور ھاجى قۇتلۇق قادىرىغا مەزكۇر كىتابنى تۈركچە تەييارلىغانلىقى ئۈچۈن رەھمەت ئېيتتى ۋە قازاق دوپپىسى كەيدۈردى.
مەزكۇر كىتابتا 1934-يىلدىن 1953- يىلغىچە بولغان جەرياندىكى شەرقىي تۈركىستاندىكى ئېغىر ۋەزىيەت، قازاقلارنىڭ شەرقىي تۈركىستاندىن تۈركىيەگە قىلغان جاپالىق كۆچمەنلىك جەريانلىرى، ئۇيغۇرلارنىڭ قازاقلارغا قىلغان ياردەملىرى قاتارلىق كۆپلىگەن مەسىلىلەر ئەتراپلىق يورۇتۇپ بېرىلگەن.
تەييارلىغۇچى: ئى. ئۆتكۈر