- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ۋاڭ يىنىڭ تۈركىيە زىيارىتىگە قارشى نامايىش تەشكىللەندى
شەرقىي تۈركىستاندا ئىرقىي قىرغىنچىلىق جىنايىتى سادىر قىلىۋاتقان خىتاي كومپارتىيەسى مەركىزىي كومىتېتى تاشقى ئىشلار ئىشخانىسىنىڭ مۇدىرى، خىتاينىڭ سابىق تاشقى ئىشلار مىنىستىرى ۋاڭ يىنىڭ تۈركىيە زىيارىتىگە قارشى 26-ئىيۇل ئىستانبۇلدىكى خىتاي باش كونسۇلخانىسى ئالدىدا نامايىش ئورۇنلاشتۇرۇلدى.
شەرقىي تۈركىستان ئىنسان ھەقلىرىنى كۆزىتىش جەمئىيىتى 26-ئىيۇل تۈركىيەگە كېلىشى پىلانلانغان ۋاڭ يىنىڭ تۈركىيە زىيارىتىگە نارازىلىق بىلدۈرۈش، شۇنداقلا 2014-يىلى 28-ئىيۇل يەكەننىڭ ئېلىشقۇ يېزىسىدا يۈز بەرگەن قانلىق قىرغىنچىلىقنى خاتىرىلەش مۇناسىۋىتى بىلەن، نارازىلىق نامايىشى ۋە ئاخبارات ئېلان قىلىش يىغىلىشى تەشكىللىدى.
نامايىش 26-ئىيۇل سائەت 11:00 دە ئىستانبۇلنىڭ سارىيەر رايونىغا جايلاشقان خىتاي باش كونسۇلخانىسى ئالدىدا ئۆتكۈزۈلىدىغان بولۇپ، كەسكىن بايانات ئېلان قىلىش ئارقىلىق، مۇھاجىرەتتىكى شەرقىي تۈركىستان خەلقىنىڭ ۋەتەندە ئىرقىي قىرغىنچىلىققا ئۇچراۋاتقان قېرىنداشلىرىنىڭ يېنىدا ئىكەنلىكى، خىتاينىڭ جىنايەتلىرىگە قارشى قەتئىي ئىرادىسى ۋە مەيدانى قايتا نامايان قىلىنىدۇ.
ۋاڭ يى 2021-يىلى 3-ئايدىمۇ تۈركىيەنى زىيارەت قىلغان بولۇپ، ئەينى ۋاقىتتا تۈركىيەنىڭ كۆپلىگەن جايلىرىدا كەڭ كۆلەملىك نامايىش ۋە ئاخبارات ئېلان قىلىش يىغىلىشى ئۆتكۈزۈلۈپ، شەرقىي تۈركىستان مەسىلىسى تۈركىيە ۋە خەلقئارادا يەنە بىر قېتىم كۈنتەرتىپكە كەلگەنىدى.
تەييارلىغۇچى: ئابدۇخەبەر رەجەپ