- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
كانادا ئۇيغۇر مەجبۇرىي ئەمگىكىگە چېتىلغان شىركەتلەرنى تەكشۈردى
كانادا ھۆكۈمىتى نايك بىلەن سۇلالە ئالتۇن كان شىركىتىنى ئۇيغۇر مەجبۇرىي ئەمگىكىگە چېتىلغانلىقى سەۋەبلىك تەكشۈردى.
ب ب س نىڭ 12-ئىيۇل خەۋەر قىلىشىچە، كانادانىڭ سودا ئەخلاقىنى نازارەت قىلىش ئورگىنى نايك شىركىتى بىلەن سۇلالە ئالتۇن كان شىركىتىنى خىتاينىڭ ئۇيغۇرلارنى مەجبۇرىي ئەمگەككە سېلىپ نەپ ئالغانلىقى توغرىسىدا ئەيىبلەنگەن خىتاي شىركەتلىرى بىلەن بولغان مۇناسىۋىتىنى تەكشۈرۈشكە باشلىغان.
بىلدۈرۈلۈشىچە، مەزكۇر تەكشۈرۈش ھەرىكىتى كىشىلىك ھوقۇق تەشكىلاتلىرى بىرلەشمىسىنىڭ مەزكۇر شىركەتلەر ھەققىدە سۇنغان ئەرزلىرىگە ئاساسەن باشلانغان. نايك شىركىتى ئۆزلىرىنىڭ ئۇيغۇرلارنى مەجبۇرىي ئەمگەككە سالدى، دەپ ئەيىبلەنگەن شىركەتلەر بىلەن مۇناسىۋىتى يوقلىقىنى بىلدۈرگەن. سۇلالە ئالتۇن كان شىركىتى بولسا، بۇ ئەيىبلەشلەرنىڭ شىركەت رايوندىكى تىجارەتلىرىنى توختىتىپ، رايوندىن ئايرىلغاندىن كېيىن ئوتتۇرىغا قويۇلغانلىقىنى ئىلگىرى سۈرگەن.
بۇ دۇنياغا داڭلىق خەلقئارالىق شىركەتلەرنىڭ تۇنجى قېتىم شەرقىي تۈركىستاندىكى ئىرقىي قىرغىنچىلىق سەۋەبلىك ئەيىبلىنىشى ئەمەس بولۇپ، نايك، زارا، يۇنىكلو، ۋولكىسۋاگېن قاتارلىق كۆپلىگەن شىركەتلەر شەرقىي تۈركىستاندىكى مەجبۇرىي ئەمگەككە چېتىشلىق بولغانلىقى سەۋەبلىك، كۈچلۈك تەنقىدكە دۇچ كەلمەكتە.
تەييارلىغۇچى: ئابدۇخەبەر رەجەپ