- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
لاگېر شاھىتلىرىنىڭ ئاۋازى نورۋېگىيەدە ياڭرىدى
13-ئىيۇندىن 16-ئىيۇنغىچە نورۋېگىيەنىڭ پايتەختى ئوسلودا ئۆتكۈزۈلگەن دۇنيانىڭ ھەرقايسى جايلىرىدىن كەلگەن تونۇلغان شەخسلەر، كىشىلىك ھوقۇق پائالىيەتچىلىرى، سىياسەت، سودا ساھەسىدىكى ئەربابلار جەم بولغان 2023-يىللىق «ئوسلو ئەركىنلىك مۇنبىرى» دە لاگېر شاھىتلىرىدىن گوللاندىيەدىكى قەلبىنۇر سىدىق خانىم ۋە فىرانسىيەدىكى گۈلباھار خاتىۋاجى خانىممۇ تەكلىپ قىلىندى. ئۇلار خىتاينىڭ دەھشەتلىك جىنايەتلىرىنىڭ بىۋاسىتە شاھىتى بولۇش سۈپىتى بىلەن سەھنىگە چىقىپ، ئۆزلىرى باشتىن كەچۈرگەن ۋە شاھىت بولغان خىتاينىڭ جىنايەتلىرىنى ئوتتۇرىغا قويدى.
خىتاينىڭ ئىككى مىليوندىن كۆپ ئۇيغۇرنى جازا لاگېرلىرىغا قامىغانلىقى، مەجبۇرى ئەمگەك جىنايەتلىرى ۋە دىنىي چەكلىمىلەر ۋە ئىككى لاگېر شاھىتى ھەققىدە قىسقىچە سىن بىلەن باشلانغان ۋە 16 مىنۇت داۋام قىلغان مەزكۇر لېكسىيەدە سۆزلەنگەن تەسىرلىك مەزمۇنلار ۋە خىتاينىڭ ئىنسان چىدىغۇسىز جىنايەتلىرى سۆزلىگۈچى شاھىتلارنىلا ئەمەس، پۈتۈن سورۇندىكىلەرنىڭ كۆزلىرىگە ياش كەلتۈردى.
ئىككىيلەن سۆزلىرىنىڭ ئاخىرىدا پۈتۈن دۇنيا جامائىتىنى ئۆزلىرىنىڭ ئەركىنلىكى، ھەق-ھوقۇقى ئۈچۈن كۈرەش قىلىۋاتقان ئۇيغۇر خەلقىنى خىتايغا قارشى قوللاشقا چاقىرىپ سەھنىدىن ئايرىلدى.
مەزكۇر مۇنبەردە يەنە ئامېرىكىدىكى ژۇرنالىست گۈلچېھرە خوجىنىڭ يېقىندا ئىنگلىزچە نەشردىن چىققان «تاشمۇ چۈشكەن يېرىدە ئەزىز» ناملىق كىتابىمۇ كۆرگەزمە قىلىندى.
تەييارلىغۇچى: ئى. ئۆتكۈر