- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
خىتاي مۇداپىئە مىنىستىرى تەيۋەنگە كۈچ ئىشلىتىشنى چەتكە قاقمايدىغانلىقىنى تەكىتلىدى
خىتاي مۇداپىئە مىنىستىرى لى شاڭفۇ تەيۋەن بىلەن بىرلىشىش ئۈچۈن كۈچ ئىشلىتىشنى چەتكە قاقمايدىغانلىقىنى بىلدۈردى.
لى شاڭفۇ ئاسىيا-تىنچ ئوكيان رايونىنىڭ ئەڭ مۇھىم بىخەتەرلىك مۇنبىرى بولغان شاڭرىلا دىيالوگ يىغىنىغا قاتنىشىش ئۈچۈن سىنگاپورغا كەلگەن بولۇپ، خىتاينىڭ تەيۋەن بىلەن تىنچ بىرلىشىشىنى قوللايدىغانلىقىنى تەكىتلىگەن ۋە زۆرۈر تېپىلغاندا كۈچ ئىشلىتىشنى چەتكە قاقمايدىغانلىقىنى بىلدۈرگەن.
ئۇ سۆزىدە يەنە نۆۋەتتە تەيۋەندە ھاكىمىيەت يۈرگۈزۈۋاتقان دېموكراتىك تەرەققىيات پارتىيەسى (DPP) دائىرىلىرىنىڭ مۇستەقىللىق ئۈچۈن باشقا دۆلەتلەردىن ياردەم ئېلىشىنىڭ قوبۇل قىلىنمايدىغانلىقىنى بىلدۈرگەن.
خىتاي مۇداپىئە مىنىستىرلىقىنىڭ باياناتچىسى تەن كېفېينىڭ يىغىندىن كېيىن سىنگاپوردىكى مەتبۇئاتلارغا بەرگەن باياناتىغا ئاساسلانغاندا، لى شاڭفۇ خىتاينىڭ تەيۋەن بىلەن تىنچ بىرلىككە كېلىشنى قوللايدىغانلىقىنى، ئەمما ئۇلارنىڭ كۈچ ئىشلىتىشنى پۈتۈنلەي چەتكە قاقمايدىغانلىقىنى تەكىتلىگەن. باياناتچى تەن كېفېي: «بىز تىنچ ئىتتىپاقلىشىش ئۈچۈن پۈتۈن كۈچىمىز بىلەن تىرىشىمىز. ئەمما نۆۋەتتىكى تەيۋەن دائىرىلىرىنىڭ تەيۋەننىڭ مۇستەقىللىقى ئۈچۈن تاشقى قوللاشنى ئىزدىشىگە ۋە تاشقى كۈچلەرنىڭ تەيۋەننى خىتاينى قورشاش ئۈچۈن ئىشلىتىشىگە ھەرگىز يول قويمايمىز، شۇنداقلا بۇنىڭ ئۈچۈن كۈچ ئىشلىتىشنى نەزەردىن ساقىت قىلىشقا ۋەدە بەرمەيمىز» دېگەن.
خىتاي مۇداپىئە مىنىستىرى بىخەتەرلىك مۇنبىرىدە قىلغان سۆزىدە يەنە، سىنگاپور ۋە شەرقىي جەنۇبىي ئاسىيا ئەللىرى ئىتتىپاقىغا ئەزا باشقا دۆلەتلەرنى تەيۋەننى مەسىلىسىدە ئامېرىكا ۋە ئۇنىڭ ئىتتىپاقداشلىرى بىلەن بىر سەپتە تۇرماسلىقى كېرەكلىكى توغرىسىدا ئاگاھلاندۇرۇش بەرگەن.
تەييارلىغۇچى: ئى. ئۆتكۈر