- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
خوڭكوڭ ھۆكۈمىتى: ئابدۇۋەلى ئابدۇراھمان بىزنىڭ چېگرادىن كىرمىدى
ئىككى ھەپتە ئىلگىرى ئابدۇۋەلى ئابدۇراھمان ئىسىملىك بىر ئۇيغۇر ئوقۇغۇچىنىڭ كورىيەدىن خوڭكوڭغا كىرگەندىن كېيىن يوقاپ كەتكەنلىكى خەلقئارادا كۈنتەرتىپكە كەلگەندىن كېيىن، خوڭكوڭ دائىرىلىرى بۇ ئەھۋالنى ئىنكار قىلدى.
خەلقئارا كەچۈرۈم تەشكىلاتى ئالدىنقى جۈمە بايانات ئېلان قىلىپ، بۇندىن ئىككى ھەپتە ئىلگىرى ئابدۇۋەلى ئابدۇراھمان ئىسىملىك بىر ئۇيغۇر ئوقۇغۇچىنىڭ كورىيەدىن خوڭكوڭغا كىرگەندىن كېيىن يوقاپ كەتكەنلىكىنى بىلدۈرگەنىدى ۋە خوڭكوڭ ھۆكۈمىتىدىن دەرھال بۇ ھەقتە مەلۇمات بېرىشنى تەلەپ قىلغانىدى.
«ئەتىگەنلىك گېزىت»نىڭ 28- مايدىكى خەۋىرىدە بىلدۈرۈلۈشىچە، خەلقئارا كەچۈرۈم تەشكىلاتىنىڭ باياناتىدىن كېيىن خوڭكوڭ دائىرىلىرى بۇنىڭغا ئىنكاس بىلدۈرۈپ، كىشىلىك ھوقۇق تەشكىلاتىنىڭ ئەيىبلىشىنى رەت قىلغان ھەمدە ئۇيغۇر ئوقۇغۇچىنىڭ خوڭكوڭغا كىرمىگەنلىكىنى، كىشىلىك ھوقۇق تەشكىلاتىنىڭ بۇ ئەيىبلەشلىرىنىڭ پۈتۈنلەي ئاساسسىز ئىكەنلىكىنى، خەلقئارا كەچۈرۈم تەشكىلاتىنىڭ خوڭكوڭ ھۆكۈمىتىدىن كەچۈرۈم سورىشى كېرەكلىكىنى دەۋا قىلغان.
فىرانسىيە خەلقئارا رادىيوسىنىڭ خەۋەر قىلىشىچە، ئابدۇۋەلى ئابدۇراھمان ئىسىملىك ئۇيغۇر ئوقۇغۇچى كورىيەدىن خوڭكوڭغا كىرگەندىن كېيىن يوقاپ كەتكەن. ئۇ دوستلىرىغا قىلغان ئاخىرقى ئۇچۇرىدا ئۆزىنىڭ خوڭكوڭ ئايرودۇرۇمىدا خىتاي ساقچىلىرى تەرىپىدىن سوراق قىلىنغانلىقىنى ئېيتقان، ئارقىدىنلا ئۇنىڭ ھېچقانداق ئىز-دېرىكى بولمىغان. خەلقئارا كەچۈرۈم تەشكىلاتى مەزكۇر ئوقۇغۇچىنىڭ قانۇنسىز ھالدا خىتاي چوڭ قۇرۇقلۇقىغا ئەۋەتىلىش ئېھتىماللىقى بارلىقىدىن ئەندىشە قىلىۋاتقانلىقىنى بىلدۈرگەن بولۇپ، بۇلارنى كۆزدە تۇتقان ھالدا، خوڭكوڭ ھۆكۈمىتىدىن ئابدۇۋەلى ئابدۇراھماننىڭ ئەھۋالى ھەققىدە دەرھال مەلۇمات بېرىشنى تەلەپ قىلغانىدى.
تەييارلىغۇچى: ئابدۇخەبەر رەجەپ