- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
خىتاي تۆت ئاي ئىچىدە 80 مىليارد يۈەنلىك بايلىقنى بۇلاڭ-تالاڭ قىلدى
خىتاي ئالدىنقى تۆت ئاي ئىچىدە شەرقىي تۈركىستاندىن بۇلاڭ-تالاڭ قىلىپ، ئېكسپورت قىلغان بايلىقنىڭ قىممىتى 80 مىليارد 640 مىليون يۈەنگە يەتكەن.
ئاتالمىش «شىنجاڭ گېزىتى» نىڭ 23-مايدىكى خەۋىرىدە بىلدۈرۈلۈشىچە، خىتاي ئالدىنقى تۆت ئاي ئىچىدە شەرقىي تۈركىستاندىن بۇلاڭ-تالاڭ قىلىپ چەت ئەلگە چىقارغان مالنىڭ قىممىتى 80 مىليارد 640 مىليون يۈەن بولۇپ، بۇلتۇرقى ئوخشاش مەزگىلدىكىدىن ％90.1 ئاشقان.
خىتاي خەۋەر مەنبەلىرىدە ئالدىنقى تۆت ئايدا شەرقىي تۈركىستان بىلەن يەككە سودا قىلغان دۆلەت ۋە رايونلارنىڭ بۇلتۇرقى ئوخشاش مەزگىلدىكى 160 تىن 165 كە كېڭەيگەنلىكى، ئوتتۇرا ئاسىيا رايونلىرى بىلەن بولغان ئىقتىساد-سودا ساھەسىدىكى ئەمەلىي ھەمكارلىقنىڭ ئۈزلۈكسىز چوڭقۇرلاشقانلىقى، شەرقىي تۈركىستاننىڭ خىتاي ئوتتۇرىغا قويغان ئاتالمىش «بىر بەلباغ، بىر يول» لىنىيەسى بويىدىكى دۆلەتلەر بىلەن بولغان ئىمپورت-ئېكسپورت قىممىتى 86 مىليارد 980 مىليون يۈەن بولۇپ، بۇلتۇرقى ئوخشاش مەزگىلدىكىدىن ％83.6 ئاشقانلىقى بىلدۈرۈلگەن.
خەۋەردىن مەلۇم بولۇشىچە، خىتاي شەرقىي تۈركىستان خەلقىنى ھەرخىل باھانىلەر بىلەن تۈرمە ۋە جازا لاگېرلىرىغا قاماپ، مەجبۇرىي ئەمگەككە سېلىشنى داۋاملاشتۇرۇۋاتقان بولۇپ، خىتاينىڭ نۇرغۇنلىغان زاۋۇت ۋە شىركەتلىرى شەرقىي تۈركىستاننىڭ ناھىيە ۋە يېزا-قىشلاقلىرىغا ئورۇنلاشقان. ئالدىنقى تۆت ئايدا شەرقىي تۈركىستاندىكى ياسىمىچىلىق كەسپىنىڭ ئېكسپورت قىممىتى 79 مىليارد 920 مىليون يۈەن بولۇپ، بۇلتۇرقى ئوخشاش مەزگىلدىكىدىن ％90.3 ئاشقان.
كۆزەتكۈچىلەر خىتاي رېجىمىنىڭ شەرقىي تۈركىستاندىن بۇلاڭ-تالاڭ قىلىپ ئېلىپ كېتىۋاتقان بارلىق يەر ئاستى ۋە يەر ئۈستى بايلىقلىرىغا ئائىت ئېلان قىلىنغان سانلىق مەلۇماتلارنىڭ ئىشەنچسىز ئىكەنلىكىنى، ئەمەلىيەتتە بۇلاڭ-تالاڭ قىلىنىۋاتقان بايلىقلارنىڭ ئېلان قىلىنغان ساندىن نەچچە ئون ھەسسە كۆپ ئىكەنلىكىنى، خىتاينىڭ شەرقىي تۈركىستاندىن چىققان بايلىقلارنى يەرلىك خەلقنىڭ مەنپەئەتىگە ئىشلەتمەيلا قالماستىن، شەرقىي تۈركىستان خەلقىنى باستۇرۇش، مەجبۇرىي ئەمگەككە سېلىش، يۇرتلىرىدىن سۈرگۈن قىلىش قاتارلىق ئىرقىي قىرغىنچىلىق ۋاسىتىلىرى بىلەن، شەرقىي تۈركىستان زېمىنىنى تولۇق يۇتۇۋېلىشتىن ئىبارەت رەزىل مەقسىتىگە يېتىش ئۈچۈن ھەرىكەت قىلىۋاتقانلىقىنى بىلدۈرۈشمەكتە.
تەييارلىغۇچى: ئابدۇخەبەر رەجەپ