- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
خىتاي پۇرسەتتىن پايدىلىنىپ دېڭىزدىكى تاجاۋۇزچىلىق ھەرىكىتىنى كېڭەيتمەكتە
ۋىيېتنامنىڭ جەنۇبىي دېڭىزدا خىتاي ۋە فىلىپپىن پاراخوتلىرىنىڭ ھەرىكەتلىرىنى تەنقىد قىلىشى تالاش-تارتىشتىكى دېڭىز مەسىلىسىدە خەلقئارانىڭ دىققىتىنى قوزغىدى.
ئامېرىكا ئاۋازىنىڭ بۈگۈنكى خەۋىرىدە بىلدۈرۈلۈشىچە، ۋىيېتنامنىڭ جەنۇبىي دېڭىزدا خىتاي بىلەن فىلىپپىن پاراخوتلىرىنىڭ رايوندىكى ھەرىكەتلىرىنى تەنقىد قىلىشى ۋىيېتنامنىڭ دېڭىز-ئوكياندىكى ئىگىدارچىلىق مەسىلىسىدە يەنىلا قاتتىق پوزىتسىيەدە ئىكەنلىكىنى كۆرسىتىپ بەرگەن. فىلىپپىن ئامېرىكا بىلەن فىلىپپىننىڭ يېقىندىن بۇيانقى ھەمكارلىق مۇناسىۋىتىنىڭ چوڭقۇرلىشىشىغا ئەگىشىپ، ئۆزىنىڭ ئىگىلىك ھوقۇقى بارلىقىنى تەلەپ قىلىۋاتقان رايوندا لەيلىمە بەلگە قويۇپ، ئېگىلىك ھوقۇقىنى قوغدايدىغانلىقىنى قارار قىلغانىدى. ئەمما شەرقىي جەنۇبىي ئاسىيا ئەللىرى ئىتتىپاقىدىكى پىكىر ئىختىلاپى سەۋەبلىك بېيجىڭ جەنۇبىي دېڭىزدىكى تاجاۋۇزچىلىق ھەرىكەتلىرىنى كېڭەيتكەن.
رويتېرس ئاگېنتلىقىنىڭ 18-مايدىكى خەۋىرىدە بىلدۈرۈلۈشىچە، خىتاي پاراخوتلىرى يېقىنقى كۈنلەردە خانوي دائىرىلىرىنىڭ مەخسۇس ئىقتىسادىي رايونىدا ۋىيېتنام پاراخوتلىرى بىلەن بىر قانچە قېتىم دوقۇرۇشۇپ قالغان. مۇتەخەسسىسلەر خىتاي پاراخوتىنىڭ تەكشۈرۈش ھەرىكىتى بىلەن شۇغۇللانغان بولۇشى مۇمكىنلىكىنى ئېيتسىمۇ، ئەمما قارشى تەرەپكە ئالدىن ئۇقتۇرۇلمىغان بۇ خىل تەكشۈرۈش ئادەتتە دۈشمەنلىشىش دەپ قارىلىدىكەن.
ۋىيېتنام تاشقى ئىشلار مىنىستىرلىقىنىڭ باياناتچىسى فام تۇ خاڭمۇخبىرلارنى كۈتۈۋېلىش يىغىنىدا: «خىتاي پاراخوتى ۋىيېتنامنىڭ ئىگىلىك ھوقۇقىغا دەخلى-تەرۇز قىلدى. ۋىيېتنام ئۆزىنىڭ ھوقۇقىنى قوغداش ئۈچۈن مۇۋاپىق تەدبىر قوللاندى» دېگەن.
مەلۇم بولۇشىچە، ۋىيېتنام ئۇزۇندىن بۇيان جەنۇبىي دېڭىزدىكى ئىگىلىك ھوقۇقى تالاش-تارتىشى مەسىلىسىدە خىتايغا قارشى ئەڭ چىڭ تۇرغان دۆلەتلەرنىڭ بىرى ئىكەن.
تەييارلىغۇچى: ئابدۇخەبەر رەجەپ