- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ئىستانبۇلدا «ئىسمى ئىرقىي قىرغىنچىلىق» ناملىق ھۆججەتلىك فىلىم ھەققىدە مۇزاكىرە پائالىيىتى ئۆتكۈزۈلدى
20-ماي ئىستانبۇل ئۈسكۈدار باغلارباشى مەركىزى ياۋروپا-ئاسىيا زالىدا تەتقىقاتچى، يازغۇچى تۇلاي گۆكچىمەن خانىمنىڭ رىژىسسورلىقىدا ئىشلەنگەن «ئىسمى ئىرقىي قىرغىنچىلىق» ناملىق فىلىمنى قويۇش ۋە مۇزاكىرە قىلىش پائالىيىتى ئۆتكۈزۈلدى.
پائالىيەتنى ئۈسكۈدار مۇپتىلىق ياشلار تەشكىلاتى تەشكىللىگەن بولۇپ، ئالدى بىلەن تۇلاي گۆكچىمەن خانىمنىڭ رىژىسسورلىقىدا ئىشلەنگەن «ئىسمى ئىرقىي قىرغىنچىلىق» ناملىق ھۆججەتلىك فىلىم قويۇلدى. ئارقىدىن تۇلاي گۆكچىمەن خانىم ھۆججەتلىك فىلىمنىڭ قۇرۇلمىسى، دەلىل-ئىسپاتلىرى ۋە فىلىمدە ئىلگىرى سۈرۈلمەكچى بولغان مەركىزىي ئىدىيە ھەققىدە چۈشەنچە بەردى.
ئارقىدىن شەرقىي تۈركىستان نۇزۇگۇم كۈلتۈر ۋە ئائىلە جەمئىيىتىنىڭ رەئىسى مۇنەۋۋەر ئۆزئۇيغۇر خانىم ئالدى بىلەن شەرقىي تۈركىستاننىڭ تارىخىنى قىسقىچە تونۇشتۇرۇش بىلەن بىرگە، خىتاينىڭ شەرقىي تۈركىستاندا ئىجرا قىلىۋاتقان كەڭ كۆلەملىك تۇتقۇن قىلىپ باستۇرۇش، ئىسلام دىنى ۋە مۇسۇلمانلارنى باستۇرۇش قاتارلىق تېررور سىياسىتىنى، جۈملىدىن شەرقىي تۈركىستاندىكى قىز-ئاياللارنىڭ نۆۋەتتىكى ئەھۋالىنى نۇقتىلىق تونۇشتۇردى.
پائالىيەت ئاخىرىدا مۇنەۋۋەر ئۆزئۇيغۇر خانىم ۋە تۈلاي گۆكچىمەن خانىم پائالىيەتكە ئىشتىراك قىلغۇچىلارنىڭ شەرقىي تۈركىستاننىڭ نۆۋەتتىكى ۋەزىيەىتى ۋە ئالاقىدار مەسىلىلەر ھەققىدە سورىغان سوئاللىرىغا جاۋاب بەردى.
تەييارلىغۇچى: ئابدۇخەبەر رەجەپ