- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
كانادا بىخەتەرلىك مىنىستىرى: كانادادا تېخىمۇ كۆپ خىتاي ساقچى پونكىتى بولۇشى مۇمكىن
كانادا ئاممىۋى بىخەتەرلىك مىنىستىرى ماركو مېندىكىنو كانادادا خىتاينىڭ تېخىمۇ كۆپ «ساقچى پونكىتى» بولۇشى مۇمكىنلىكىنى بىلدۈردى.
ئامېرىكا ئاۋازىنىڭ خەۋىرىدە بىلدۈرۈلۈشىچە، كانادا جامائەت خەۋپسىزلىكى مىنىستىرى ماركو مېندىكىنو14-ماي كانادا تېلېۋىزىيە ئىستانسىسى مۇخبىرىغا كانادادا خىتاينىڭ تېخىمۇ كۆپ «ساقچى پونكىتى» بولۇشى مۇمكىنلىكىنى، بىر نەچچە ئاي ئىلگىرى كانادا ساقچىلىرى مونترېئالدىكى ئىككى مەھەللە مەركىزىدىكى كىشىلەرنىڭ كانادادا ئولتۇراقلىشىپ قالغان خىتايلارغا تەھدىت سېلىش ياكى پاراكەندىچىلىك سېلىش قىلمىشىغا دۇچ كېلىش ئەھۋالى بار-يوقلۇقىنى تەكشۈرۈۋاتقانلىقىنى ئېيتقان.
ئۇ مۇخبىرغا يەنە: «مەن كانادا خان جەمەتى ساقچىلىرىنىڭ كونكرېت ھەرىكەت قوللىنىپ، چەتئەلنىڭ ئاتالمىش "ساقچى پونكىتى" نامىدا ھەرقانداق شەكىلدىكى ئارىلىشىش قىلمىشىنى توختىتىدىغانلىقىغا ئىشىنىمەن. ئەگەر ساقچى پونكىتى داۋاملىق بايقالسا، كەلگۈسىدە چوقۇم كەسكىن تەدبىر قوللىنىمىز» دېگەن.
بىلدۈرۈلۈشىچە، 3-ئايدا كانادا ساقچىلىرى مونترېئالدىكى خىتاينىڭ ئاتالمىش «ساقچى پونكىتى» مەركەزلىرىنى تەكشۈرۈۋاتقانلىقىنى ئېيتقان. بۇ ئاينىڭ بېشىدا كانادا تاراتقۇلىرى مىنىستىر ماركو مېندىكىنونىڭ كانادادىكى بارلىق مەخپىي تور بېكەتلەرنىڭ تاقالغانلىقىنى بايان قىلغانلىقىغا قارىماي، ئاتالمىش خىتاي «ساقچى پونكىتى»نىڭ يەنىلا ئوچۇق ئىكەنلىكىنى خەۋەر قىلغان.
خىتاي رېجىمى بولسا ئۆزلىرىنىڭ كانادانىڭ ئىچكى ئىشلىرىغا ئارىلاشقانلىقى ھەققىدىكى ئەيىبلەشنى رەت قىلغان.
تەييارلىغۇچى: ئابدۇخەبەر رەجەپ