- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
كانادا تاشقى ئىشلار مىنىستىرى: خىتاي دىپلوماتلىرىنى قوغلاپ چىقىرىشنى ئويلاشتۇق
كانادا تاشقى ئىشلار مىنىستىرى خىتاي دىپلوماتلىرىنى قوغلاپ چىقىرىشنى ئويلاشقانلىقىنى بىلدۈردى.
ئامېرىكا ئاۋازىنىڭ 5-مايدىكى خەۋىرىدە بىلدۈرۈلۈشىچە، ئاخبارات ئورگىنىنىڭ دوكلاتىدا خىتاي دىپلوماتلىرى كانادا ئۆكتىچى پارلامېنت ئەزاسى مايكىل چۇڭنىڭ تۇغقانلىرىنىڭ مەلۇماتى ھەققىدە ئۇچۇر ئېلىشقا ئۇرۇنغانلىقى سەۋەبلىك، خىتاينىڭ كانادادا تۇرۇشلۇق بىر قانچە دىپلوماتىنى چېگرادىن قوغلاپ چىقىرىشنى ئويلاشقان.
خەۋەردە قەيت قىلىنىشىچە، كانادا تاشقى ئىشلار مىنىستىرى مېلانى جۇلى كانادا پارلامېنتى قارمىقىدىكى كومىتېتقا كانادا مۇئاۋىن تاشقى ئىشلار مىنىستىرى خىتاينىڭ كانادادا تۇرۇشلۇق باش ئەلچىسى سۇڭ پېيۋۇنى چاقىرتىپ، كانادانىڭ بۇنداق ئارىلىشىشقا يول قويمايدىغانلىقىنى ئېنىق ئوتتۇرىغا قويغان.
مايكىل چۇڭ يەنە: «خىتاي دىپلوماتى دەرھال كانادادىن ئايرىلىشى كېرەك. خىتاي دىپلوماتىنىڭ تېخىچە كانادادىن ئايرىلىشى تەلەپ قىلىنمىغانلىقىنى چۈشەنگىلى بولمايدۇ» دېگەن.
ئۇ يەنە: «ئەگەر بىز بۇ قېتىم قوغلاپ چىقىرىش ھەرىكىتىنى ئىشقا سالمايدىغان بولساق، دۇنيادىكى ھەر بىر مۇستەبىت دۆلەتكە كانادا پۇقرالىرىغا چەتئەلنىڭ ئارىلىشىشى ئۈچۈن ئىشىك ئوچۇق ئىكەنلىكى ھەققىدە بېشارەت بەرگەن بولىمىز» دېگەن.
ئۆكتىچى پارلامېنت ئەزالىرىنىڭ تەلىپى توغرىسىدا تاشقى ئىشلار مىنىستىرى جۇلى: «بىز خىتاي دىپلوماتلىرىنى قوغلاپ چىقىرىش مەسىلىسىدە ئوخشىمىغان ئۇسۇللارنى ئويلىشىۋاتىمىز» دېگەن.
مەلۇم بولۇشىچە، كانادا پارلامېنتى مايكىل چۇڭ 2021-يىلى ئوتتۇرىغا قويغان تەكلىپنى ماقۇللاپ، خىتاينىڭ ئۇيغۇرلارغا قارىتا ئىجرا قىلىۋاتقان باستۇرۇش قىلمىشلىرىنى «ئىرقىي قىرغىنچىلىق» دەپ ئېلان قىلغان بولۇپ، خىتاي شۇنىڭدىن كېيىنلا مايكىل چۇڭغا جازا يۈرگۈزگەنلىكىنى ئېلان قىلغان. خىتاي ئاخبارات ئورگانلىرىمۇ مايكىل چۇڭنىڭ تۇغقانلىرىغا تەھدىت سالغان.
تەييارلىغۇچى: ئابدۇخەبەر رەجەپ