- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
خىتاي كونگودىكى پۇقرالىرىنى ئالاھىدە ئاگاھلاندۇردى
خىتاينىڭ كونگودا تۇرۇشلۇق باش ئەلچىخانىسى پۇقرالىرىغا ئىتۇرى ئۆلكىسىگە بارماسلىقنى ۋە بىخەتەرلىك تەدبىرلىرىنى كۈچەيتىشنى ئەسكەرتتى.
خىتاي مۇھاجىرلىرى تورىنىڭ 21-ئاپرېلدىكى خەۋىرىدە بىلدۈرۈلۈشىچە، نۆۋەتتە كونگودىكى ئاھالىلەرنىڭ دائىم قىرغىنچىلىققا ئۇچرايدىغان بولۇپ، 14-ئاپرېلدىن 17-ئاپرېلغىچە، قوراللىق كۈچ «كونگو تەرەققىيات ھەمكارلىق فىرونتى» رايوندىكى بىر قانچە يېزىغا ھۇجۇم قىلغان، ۋەقەدە 60 نەچچە ئادەم قازا قىلغان. ئۇندىن باشقا ئۆتكەن ئىككى ھەپتە ئىچىدە ئىتۇرى ئۆلكىسىدە يۈز بەرگەن ھۇجۇملاردا 150 دىن ئارتۇق ئادەم قازا قىلغان.
خىتاي چاقىرىقىدا كونگو دېموكراتىك جۇمھۇرىيىتىدىكى خىتاي پۇقرالىرىنى يۇقىرىدا تىلغا ئېلىنغان رايونلارغا بارماسلىقنى، مەزكۇر رايوندىكى يەرلىك خادىملار ۋە ئورگانلارنىڭ تارقاقلاشتۇرۇلۇپ، بىخەتەر رايونغا يۆتكەلگەنلىكىنى، خىتاي پۇقرالىرى جىددىي ئەھۋالغا يولۇققاندا، ساقچىغا تېلېفون قىلىپ، ئەلچىخانا بىلەن ۋاقتىدا ئالاقىلىشىشى كېرەكلىكىنى ئۇقتۇرغان.
تەييارلىغۇچى: ئابدۇخەبەر رەجەپ