- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
تەشكىلاتلار بىرلىكى ھەيئىتى مۇھەممەدىيە تەشكىلاتىنىڭ رەئىسى بىلەن كۆرۈشتى
مالايشىيادا زىيارەتتە بولۇۋاتقان خەلقئارا شەرقىي تۈركىستان تەشكىلاتلار بىرلىكى ھەيئىتى 13-ئاپرېل مالايشىيانىڭ سېلانگور شەھىرىدىكى سېلانگور كىتابخانىسىنى زىيارەت قىلدى.
زىيارەت داۋامىدا كىتابخانا مۇدىرى داتىن ماستۇراھ خانىم بىلەن كۆرۈشۈپ شەرقىي تۈركىستان دەۋاسى مەسىلىسىدە قىلماقچى بولغان ئاكادېمىك سەۋىيەدىكى خىزمەتلەرنى مۇزاكىرە قىلدى.
ھەيئەت شۇ كۈنى يەنە مالايشىيادىكى مۇسۇلمان ياشلار ھەرىكىتى ABİM تەسىس قىلغان ئاراكان بالىلار مەكتىپىنى زىيارەت قىلدى.
زىيارەت داۋامىدا مەكتەپتىكى ئوقۇغۇچىلار بىلەن كۆرۈشۈپ پىكىر ئالماشتۇردى. ئاخىرىدا ئۇلارغا ھەدىيە تەقدىم قىلدى.
ھەيئەت شۇ كۈنى يەنە مالايشىيا ئالى مائارىپ مىنىستىرلىقى مالايشىيا مائارىپى خەلقئارا مۇلازىمەت مەسئۇلى دوكتور ئابدۇرازاق ئەپەندىنى يېڭى ئىشخانىسىدا زىيارەت قىلدى. زىيارەت داۋامىدا خىتاينىڭ شەرقىي تۈركىستاندا ئىجرا قىلىۋاتقان قىرغىن قىلىش جىنايى قىلمىشلىرىنى تونۇشتۇردى.
ھەيئەت يەنە مۇھەممەدىيە تەشكىلاتىنىڭ مالايشىيا شۆبە رەئىسى مۇھەممەد ئىمران ئەپەندى بىلەن كۆرۈشتى. كۆرۈشۈشتە خىتاينىڭ شەرقىي تۈركىستاندا ئىجرا قىلىۋاتقان قاتتىق باستۇرۇش، ئىسلام ۋە مۇسۇلمانلارغا قارشى ئىجرا قىلىۋاتقان تېررور سىياسىتى ھەمدە مەسچىت تاقاش، مەسچىت چېقىش، بارلىق ئىبادەتلەرنى چەكلەش قاتارلىق جىنايى قىلمىشلىرىنى تەپسىلىي تونۇشتۇردى.
تەييارلىغۇچى: ئابدۇخەبەر رەجەپ