- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
مايك گاللاگېر بايدېن ھۆكۈمىتىنى 3-دۇنيا ئۇرۇشىنىڭ ئالدىنى ئېلىش ھەققىدە ئاگاھلاندۇردى
ئامېرىكا ئاۋام پالاتاسى خىتاي ئىشلىرى كومىتېتىنىڭ رەئىسى مايك گاللاگېر جو بايدىن ھۆكۈمىتىنى 3-دۇنيا ئۇرۇشىنىڭ ئالدىنى ئېلىش ھەققىدە ئاگاھلاندۇردى.
جۇمھۇرىيەت گېزىتىنىڭ بۈگۈنكى خەۋىرىدە بىلدۈرۈلۈشىچە، ئامېرىكا ئاۋام پالاتاسى خىتاي ئىشلىرى كومىتېتىنىڭ رەئىسى مايك گاللاگېر: «ئامېرىكا 2024-يىلى 1-ئايدا تەيۋەندە ئۆتكۈزۈلىدىغان پرېزىدېنتلىق سايلىمىدىن ئىلگىرى بېيجىڭ بىلەن يۈز بېرىش ئېھتىماللىقى بولغان قىزىق توقۇنۇشنىڭ «ئەڭ چوڭ خەتەر كۆزنىكى» گە دۇچ كېلىدۇ» دېدى.
گاللاگېر بايدېننىڭ خىتاي رېجىمىنىڭ تەيۋەننى زورلۇق بىلەن تارتىۋېلىش تىرىشچانلىقىنى «پات يېقىندىكى تەھدىد» دەپ قارىمىغانلىقىنى ئىلگىرى سۈرۈپ، بايدىن ھۆكۈمىتىنىڭ بېيجىڭنى يېقىن زاماندا ھەرىكەت قوللىنىدۇ دەپ قارىمايۋاتقانلىقىنى تەكىتلىدى.
گاللاگېر سۆزىدە يەنە: «كىشىنى تېخىمۇ ئەندىشىگە سالىدىغىنى شۇكى، مەيلى سىز بۇنى بەش يىل، 10 يىل ياكى بىر يىلدا يۈز بېرىدۇ دەپ ئويلاڭ ياكى ئويلىماڭ، بىز بۇنىڭ ئالدىنى ئېلىش ۋە ئۇنىڭ ھەرگىز يۈز بەرمەسلىكىگە كاپالەتلىك قىلىشىمىز ئۈچۈن ئاسمان-زېمىننى ھەرىكەتلەندۈرۈشىمىز كېرەك. مەن يېقىنقى ئۈچ يىلدىن بۇيان بايدېن ھۆكۈمىتىدىن بۇنداق جىددىيلىك تۇيغۇسىنى كۆرۈپ باقمىدىم. بۇ كىشىنى تولىمۇ ئۈمىدسىزلەندۈرىدۇ » دېدى.
تەييارلىغۇچى: ئى. ئۆتكۈر