- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
تەشكىلاتلار بىرلىكى ھەيئىتى مالايشىيا پارلامېنتىنى زىيارەت قىلدى
خىتاينىڭ شەرقىي تۈركىستاندىكى ئىرقىي قىرغىنچىلىق جىنايىتىنى مالايشىيا خەلقىگە تونۇشتۇرۇش، كۈنتەرتىپكە كەلتۈرۈش ئۈچۈن زىيارەتتە بولۇۋاتقان خەلقئارا شەرقىي تۈركىستان تەشكىلاتلار بىرلىكى ھەيئىتى مالايشىيا پايتەختى كۇئالالۇمپۇردا مالايشىيا پارلامېنتىنى زىيارەت قىلدى.
شەرقىي تۈركىستان ئاخبارات ۋە مېدىيا جەمئىيىتى رەئىسى ئابدۇلۋارىس ئابدۇلخالىق، شەرقىي تۈركىستان ئۆلىمالار بىرلىكىنىڭ مۇئاۋىن رەئىسى ئۇستاز مەھمۇدجان داموللامدىن تەشكىللەنگەن خەلقئارا شەرقىي تۈركىستان تەشكىلاتلار بىرلىكى ھەيئىتى 28-مارت مالايشىيا پايتەختى كۇئالالۇمپۇردا مالايشىيا پارلامېنتىنى زىيارەت قىلدى.
ھەيئەتنى پارلامېنتتىكى ئىسلام پارتىيەسىنىڭ پارلامېنت ئەزالىرى كۈتۈۋالغان بولۇپ، ئۇلار بىلەن سەمىمىي دوستانە سۆھبەتتە بولدى.
ھەيئەت ئىسلام پارتىيەسى پارلامېنت ئەزالىرىغا ئالدى بىلەن شەرقىي تۈركىستاننىڭ تارىخىنى قىسقىچە تونۇشتۇردى. ئارقىدىن خىتاينىڭ شەرقىي تۈركىستان خەلقىنى پۈتۈنلەي يوقىتىشتىن ئىبارەت رەزىل مەقسىتى بويىچە ئىجرا قىلىۋاتقان ئىرقىي قىرغىنچىلىق جىنايىتىنى، بولۇپمۇ خىتاينىڭ شەرقىي تۈركىستان خەلقىنى قىرغىن قىلىپ يوقىتىش ئۈچۈن، جازا لاگېرى ۋە تۈرمىلەرگە سولاپ ئىبادەتلىرىنى چەكلەپلا قالماي، بەلكى شەرقىي تۈركىستان جەمئىيىتىنى پۈتۈنلەي ئۈستى ئوچۇق تۈرمىگە ئۆزگەرتكەنلىكى، بارلىق دىنىي كىتابلارنى چەكلىگەنلىكى، رامىزان ئېيىدا شەرقىي تۈركىستان خەلقىنىڭ روزا ئىبادىتىنى پۈتۈنلەي چەكلەش قاتارلىق ئىسلام ۋە مۇسۇلمانلارغا قارشى جىنايەتلىرىنى تەپسىلىي تونۇشتۇردى.
تەييارلىغۇچى: ئابدۇخەبەر رەجەپ