- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
خىتاينى ھوللىۋودتىن قوغلاپ چىقىرىش ھەققىدە قانۇن لايىھەسى سۇنۇلدى
ئامېرىكا ئاۋام پالاتاسىنىڭ جۇمھۇرىيەتچىلەر پارتىيەسى ئەزالىرى خىتاينى ھوللېۋودتىن قوغلاپ چىقىرىشنى مەقسەت قىلغان قانۇن لايىھەسى سۇندى.
ئامېرىكا ئاۋازىنىڭ بۇ ھەقتىكى خەۋىرىدە بىلدۈرۈلۈشىچە، پارلامېنت ئەزاسى مارك گىرىن ئىشخانىسى 8-مارت بايانات ئېلان قىلىپ، شۇ كۈنى «كوممۇنىست رېجىمنىڭ تەھرىرلەشكە قاتنىشىشىنى دەرھال توسۇش» ناملىق قانۇن لايىھەسىنى قايتا ئوتتۇرىغا قويغانلىقىنى، بۇ قانۇن لايىھەسى ھوللېۋودنىڭ خىتاينىڭ تەكشۈرۈش تۈزۈمىگە باش ئېگىشىنى توسۇشنى مەقسەت قىلغانلىقىنى بىلدۈرگەن.
ئاۋام پالاتا ئەزاسى مارك گىرىننىڭ ئېيتىشىچە، 117-نۆۋەتلىك پارلامېنتتا ئېكران قانۇنى ئوتتۇرىغا قويۇلغاندىن بۇيان، خىتاي كوممۇنىست رېجىمى ئامېرىكىدا پىكىر ئەركىنلىكىنى تەكشۈرۈش ئۇرۇنۇشلىرىنى كۈچەيتكەن بولۇپ، ئۇ سۆزىنىڭ ئاخىرىدا يەنە: «كومپارتىيەنىڭ كىنوچىلىق ساھەمىزنى تەشۋىقات قورالى قىلىشىغا يول قويماسلىق كېرەك» دېگەن.
مارك گىرىن يەنە: «بىز ئورنىدىن دەس تۇرۇپ، خىتايغا ئاغزىڭنى يۇم، دەيدىغان جۈرئەتلىك فىلىم شىركىتىگە موھتاج. مەن ئوتتۇرىغا قويغان بۇ قانۇن لايىھەسى تېخىمۇ كۆپ ھوللىۋود كىنو شىركەتلىرىنى خىتاي كوممۇنىستلىرىغا قارشى تۇرۇشقا ئىلھاملاندۇرىدۇ» دېگەن.
مارك گىرىن ئىشخانىسىنىڭ باياناتىغا ئاساسلانغاندا، «ئېكران قانۇنى»نىڭ ئاساسلىق مەزمۇنى مەلۇم بىر كىنو خىتاي شىركىتى بىلەن بىرلىشىپ ئىشلەنگەن بولسا، فېدېراتىپ ھۆكۈمەتنىڭ ھوللىۋود كىنو شىركىتىنىڭ ئۇ كىنونى ئىشلىشىگە ياردەم بېرىشىنى توسۇش... قاتارلىقلار ئىكەن.
تەييارلىغۇچى: ئابدۇخەبەر رەجەپ