- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
كانادا خىتاينىڭ سايلامغا ئارىلاشقانلىقى توغرىسىدىكى تەكشۈرۈشنى باشلىدى
كانادا باش مىنىستىرى جاستىن تىرۇدو مۇستەقىل ئالاھىدە مۇپەتتىشنىڭ خىتاينىڭ يېقىنقى سايلامغا ئارىلاشقانلىقى توغرىسىدىكى ئەيىبلەشنى تەكشۈرىدىغانلىقىنى بىلدۈردى.
ت ر ت خەۋەرنىڭ بۈگۈنكى خەۋىرىدە بىلدۈرۈلۈشىچە، تەيىنلىنىدىغان تەكشۈرگۈچى مۇپەتتىش 2019-ۋە 2021-يىلدىكى فېدېراتسىيە سايلىمى توغرىسىدىكى مەخپىي دوكلاتلارنى تەكشۈرۈپ، كەلگۈسىدىكى سايلامغا تەۋسىيە بېرىدىكەن.
رەقىب سىياسىي پارتىيە رەھبەرلىرى ئاشكارا تەكشۈرۈشنى تەلەپ قىلغان بولۇپ، خىتاي رېجىمى مەزكۇر سايلامغا ئارىلاشقانلىقىنى رەت قىلىپ، بۇ ئەيىبلەشنى «پۈتۈنلەي ئاساسسىز ۋە تۆھمەت» دېگەن.
تىرۇدو دۈشەنبە كۈنى ئوتتاۋادا مۇخبىرلارغا قىلغان سۆزىدە، كانادانىڭ ئىگىلىك ھوقۇقىغا خىرىس قىلىدىغان دوكلاتلارنىڭ كىشىنى ئەندىشىگە سالغانلىقىنى ۋە كانادالىقلارغا چوڭقۇر تەسىر كۆرسەتكەنلىكىنى ئېيتقان.
ئۇ سۆزىنىڭ داۋامىدا: «مەن ھوقۇق دائىرىسى كەڭ، ئارىلىشىشقا قارشى تۇرۇش ۋە دېموكراتىيەمىزنى كۈچەيتىش توغرىسىدا كەسپىي مەسلىھەت بېرەلەيدىغان مۇستەقىل ئالاھىدە مۇپەتتىشنى تەيىنلەيمەن» دېگەن.
تىرۇدو تەكشۈرگۈچى مۇپەتتىشنىڭ تېخى تاللانمىغانلىقىنى بىلدۈرۈپ، پات يېقىندا بىرىنى ۋەزىپىگە تەيىنلەيدىغانلىقىنى ئېيتقان.
«يەرشارى»، «پوچتا گېزىتى» ۋە «يەر شارى خەۋەرلىرى» قاتارلىق بىر قاتار تاراتقۇلار ئۆتكەن ھەپتە كانادا ئىستىخبارات مەنبەلىرىدىن ئاشكارىلانغان ئۇچۇرلارغا ئاساسەن، خىتاي كومپارتىيىسىنىڭ يېقىنقى ئىككى قېتىملىق فېدېراتسىيە سايلىمىغا ئارىلاشقانلىق توغرىسىدىكى خەۋەرلەرنى ئاشكارىلىغانىدى.
تەييارلىغۇچى: ئى. ئۆتكۈر