- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
خىتاي دىننى خىتايلاشتۇرۇشتا چىڭ تۇرىدىغانلىقىنى قايتا تەكىتلىدى
خىتاي -14نۆۋەتلىك ئاتالمىش «مەملىكەتلىك خەلق قۇرۇلتىيى» 1-يىغىنىدا خىزمىتىدىن دوكلات بەرگەن خىتاي باش مىنىستىرى لى كېچياڭ دىننى خىتايلاشتۇرۇش يۆنىلىشىدە چىڭ تۇرىدىغانلىقىنى تەكىتلىدى.
خىتاي خەلق تورىنىڭ خەۋىرىدە بىلدۈرۈلۈشىچە، 5-مارت باشلانغان مەزكۇر يىغىن 13-مارتقىچە داۋام قىلىدىغان بولۇپ، شەرقىي تۈركىستاندىن يىغىنغا قاتنىشىدىغان ئاتالمىش ۋەكىللەر 3-مارت بېيجىڭغا يېتىپ بارغان.
5-مارت خىزمىتىدىن دوكلات بەرگەن لى كېچياڭ دىنغا قارشى تېررور سىياسىتىنى داۋاملىق ئىجرا قىلىدىغانلىقىدىن بېشارەت بېرىپ: «پارتىيەنىڭ دىن خىزمىتى ئاساسىي فاڭجېنىدا چىڭ تۇرۇپ، دۆلىتىمىزنىڭ دىننى جۇڭگوچىلاشتۇرۇش يۆنىلىشىدە چىڭ تۇرۇپ، دىننى سوتسىيالىزم جەمئىيىتىگە ئۇيغۇنلىشىشقا پائال يېتەكلىشىمىز كېرەك» دەپ بىلجىرلىغان.
خىتاي ئىسلام دىنىغا قارشى تېررور سىياسىتىنى تېز سۈرئەتتە ئىجرا قىلىۋاتقان بولۇپ، شەرقىي تۈركىستاندا ھازىرغا قەدەر 16 مىڭغا يېقىن مەسچىت چېقىۋېتىلدى ياكى بۇزۇۋېتىلدى ۋە ھېلىھەم ھەرخىل ۋاسىتىلەر بىلەن ئىسلامدىن يىراقلاشتۇرۇلماقتا ۋە دىندىن پۈتۈنلەي ۋاز كېچىشكە مەجبۇرلانماقتا. شۇنداقلا خىتاي رېجىمى مەيلى شەرقىي تۈركسىتان، مەيلى مەركەزدە ئاچقان ھەرقانداق يىغىنلىرىدا ئاتالمىش «دىننى خىتايلاشتۇرۇش» سەپسەتىسىنى تەكىتلەش ئارقىلىق، ئىرقىي قىرغىنچىلىق سىياسىتىنى داۋاملىق ئىجرا قىلىدىغانلىقىدىن بېشارەت بەرمەكتە.
تەييارلىغۇچى: ئابدۇخەبەر رەجەپ