- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
تەشكىلاتلار بىرلىكى ھەيئىتى مالايشىيادىكى زىيارەتلىرىنى داۋاملاشتۇرماقتا
خەلقئارا شەرقىي تۈركىستان تەشكىلاتلار بىرلىكى ھەيئىتىنىڭ مالايشىيا زىيارىتى داۋام قىلىۋاتقان بولۇپ، ھەيئەت 2-مارت مالايشىيا دېموكراتىك ھەرىكەت پارتىيەسىدىن شاھرىزان جوھان بىلەن كۆرۈشتى.
كۆرۈشۈشتە شەرقىي تۈركىستاننىڭ نۆۋەتتىكى ۋەزىيىتى، خىتاينىڭ شەرقىي تۈركىستاندا ئىجرا قىلىۋاتقان ئىرقىي قىرغىنچىلىق جىنايىتىنى تونۇشتۇردى ۋە مالايشىيا پارلامېنتىدا ئۇيغۇر دوستلۇق گۇرۇپپىسى قۇرۇش توغرىسىدا سۆھبەتلەشتى.
ھەيئەت 2-مارت يەنە مالايشىيا مائارىپ مىنىستىرى فادھلىنا سىدېك بىلەن كۆرۈشتى. كۆرۈشۈشتە، مائارىپ مىنىستىرىغا شەرقىي تۈركىستاننىڭ ئومۇمى ئەھۋالى ۋە خىتاينىڭ شەرقىي تۈركىستاندىكى ئىرقىي قىرغىنچىلىق جىنايەتلىرى تەپسىلىي تونۇشتۇرۇلغان دوكلاتنى سۇندى. ئۇندىن باشقا مىنىستىردىن شەرقىي تۈركىستان دەۋاسىنى ۋە مالايشىيا پارلامېنتىدا قۇرۇلماقچى بولغان ئۇيغۇر دوستلۇق گۇرۇپپىسىنى قوللاشنى تەلەپ قىلدى.
ھەيئەت شۇ كۈنى يەنە مالايشىيا پارلامېنتى رەئىسى باش كاتىپى ئابدۇلھادى خالىد بىلەن كۆرۈشتى ۋە پارلامېنتتا «ئۇيغۇر دوستلۇق گۇرۇپپىسى قۇرۇش» مەسىلىسى ھەققىدە مەسلىھەتلەشتى.
ھەيئەت پارلامېنتتىكى زىيارەتلىرى داۋامىدا مالايشىيادا شەرقىي تۈركىستان دەۋاسىنى كۈچەيتىش ئۈچۈن، نۆۋەتتىكى ھۆكۈمەت ۋە ئۆكتىچى پارتىيەلەر، پارلامېنت ئەزالىرى، سابىق ۋە يېڭى مىنىستىرلار ھەمدە مۇھىم سىياسىي ئەربابلار بىلەن سۆھبەتلەشتى. ھ
تەييارلىغۇچى: ئابدۇخەبەر رەجەپ