- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
خىتاي ChatGPT نى چەكلىگەن تۇنجى دۆلەتكە ئايلاندى
خىتاينىڭ رەسمىي تاراتقۇلىرى ChatGPT نىڭ ئامېرىكىنىڭ ئۆزىنىڭ سىياسىي پىكىرلىرىنى تارقىتىشىغا ياردەم قىلىدىغانلىقىنى ئوتتۇرىغا قويدى.
«Nikkei Asia»نىڭ دوكلاتىغا ئاساسلانغاندا، خىتايدىكى تېخنىكا شىركەتلىرىنىڭ ئۆز سۇپىلىرى ئارقىلىق ChatGPT ياكى ئۇنىڭغا مۇناسىۋەتلىك مۇلازىمەتلەرنى بېرىشى مەنئى قىلىنغان.
خىتاي تاراتقۇلىرىدىكى خەۋەرلەردە، ئامېرىكىدىكى سۈنئىي ئىدراك شىركىتى OpenAI تەرىپىدىن تەتقىق قىلىپ چىقىلغان ChatGPT نىڭ ئىگىلىك ھوقۇققا زىيان يەتكۈزىدىغان يالغان ئۇچۇرلارنى تارقاتقانلىقى توغرىسىدىكى بايانلار بار، دېيىلگەن.
خىتاي كۈندىلىك گېزىتى خىتايدىكى ئەڭ چوڭ ئىجتىمائىي ئالاقە سۇپىسى ۋېيبودا بۇ تېمىدا يازما ھەمبەھرىلىگەن بولۇپ، مەزكۇر يازمىدا ChatGPT نىڭ ئامېرىكىغا «تەتۈر تەشۋىقات ۋە ئۆزىنىڭ سىياسىي پىكىرلىرىنى تارقىتىش» مەسىلىسىدە ياردەم قىلىدىغانلىقى ئوتتۇرىغا قويۇلغان.
شۇنىڭ بىلەن بىر ۋاقىتتا، خىتاي رېجىمىنىڭ تەشۋىقات ئورگىنى بولغان مەزكۇر گېزىت ئېلان قىلغان سىندا، ChatGPT دىن ئاتالمىش «ئۇيغۇر ئاپتونوم رايونى» ھەققىدە سوئال سورالغان بولۇپ، ChatGPT خىتايلارنىڭ ئۇيغۇرلارغا قارىتا كىشىلىك ھوقۇققا دەخلى-تەرۇز قىلغانلىقى توغرىسىدىكى خەۋەرلەر ھەققىدە جاۋاب بەرگەنلىكىنى كۆرسىتىلىپ تۇرۇپ سۆز قىلغان خىتاي رىياسەتچى: «ئامېرىكا ھۆكۈمىتىنىڭ سىياسىي پىكىرلىرىگە ماس ھالدا ناھايىتى ياخشى يېزىلغان بىر جاۋاب» دەپ خىتاي رېجىمىنىڭ بۇنى چەكلىشىنى توغرا، دەپ كۆرسىتىشكە تىرىشقان.
بۇ پاراڭلىشىش سۇپىسى خىتايدىكى ئەڭ چوڭ ئىجتىمائىي ئالاقە سۇپىسى بولغان ئۈندىداردىكى ئۈچىنچى تەرەپ ئەپلىرى قاتارىغىمۇ قويۇلغان بولۇپ، يېڭى قارار بىلەن تەڭ ئۈندىدارنىڭ ساھىبى تېخنىكا ماگناتى تېڭشۈننىڭمۇ ئاگاھلاندۇرۇشنى تاپشۇرۇۋالغانلىقى ۋە مەزكۇر سۇپىنىڭ زىيارەتكە تاقالغانلىقى بايان قىلىنغان.
بۇ ھەرىكەتتىن كېيىن، خىتاينىڭ ChatGPT نى چەكلىگەن تۇنجى دۆلەت ئىكەنلىكى توغرىسىدا ھەرخىل خەۋەرلەر يېزىلىشقا باشلىدى.
تەييارلىغۇچى: ئى. ئۆتكۈر