- خىتاي ئۇيغۇر پائالىيەتچىلىرىدىن ئۆچ ئالماقتا
- خىتاي خەلقئارانىڭ كۆزىنى بويايدىغان غايەت زور مەدەنىيەت سارىيىنىڭ يوپۇقىنى ئاچتى
- ئامېرىكا پالاتا ئەزالىرى خىتايغا قارشى ماھىيەتلىك قانۇن لايىھەسى سۇندى
- ئامېرىكا پارلامېنت ئەزالىرى ھۆكۈمەتنى خىتايدا قامالغان ئامېرىكىلىقلارنى قۇتقۇزۇشقا چاقىردى
- خىتاينىڭ «بىر بەلباغ، بىر يول» پىلانىنىڭ تۈركىيەگە زىيان كەلتۈرىدىغانلىقى تەكىتلەندى
- خىتايدىكى ياۋروپا شىركەتلىرى ئىستراتېگىيەسىنى ئۆزگەرتىشكە مەجبۇر بولماقتا
- ياپونىيە: خىتاي ئاۋىياماتكىسى تۇنجى قېتىم ياپونىيە تەۋەلىكىگە كىردى
- تاراتقۇلار: خىتاي رۇسىيەنىڭ ھەربىي تېخنىكىسىغا ئېرىشىشنىڭ تارىخىي پۇرسىتىگە ئېرىشتى
- خىتاي تەيۋەنگە قورال ساتقان توققۇز ئامېرىكا شىركىتىگە جازا يۈرگۈزدى
- لوندون ئۇنىۋېرسىتېتى پىروفېسسور راھىلە داۋۇتقا پەخرىي دوكتورلۇق ئۇنۋانى بەردى
خىتاي ئاقتۇ ناھىيەسىدە مەخسۇس تۇتقۇن قىلىش ھەرىكىتى قوزغىدى
خىتاي رېجىمى ھەرخىل ناملار بىلەن شەرقىي تۈركىستان خەلقىنى تۇتقۇن قىلىپ كېلىۋاتقان بولۇپ، بۇ قېتىم ئاقتۇ ناھىيەسىدە ئاتالمىش «باھار گۈلدۈرماما ھەرىكىتى» نامىدا مەخسۇس تۇتقۇن قىلىش ھەرىكىتى قوزغىغان.
ئاقتۇ ناھىيەلىك ئاخبارات ئورگانلىرىنىڭ خەۋەر قىلىشىچە، مەزكۇر تۇتقۇن قىلىش ھەرىكىتىنى ئاقتۇ ناھىيەلىك سوت مەھكىمىسى ئالاھىدە قوزغىغان بولۇپ، 16-فېۋرال خىتاي رېجىمى قىسمەن ئاھالىلەرنى ساقچىخانىغا مەجبۇرىي چاقىرىپ كېلىپ، تۇتقۇن قىلغان. قىسمەنلىرىنى ئائىلىسىگە كىرىپ تۇتقۇن قىلغان.
خەۋەردە خىتاي دائىرىلىرىنىڭ سەككىز سائەت ھەرىكەت قىلىش ئارقىلىق تۆت دېلونى پاش قىلغانلىقى، بۇنىڭغا مۇناسىۋەتلىك سەككىز ئادەمنى تۇتقۇن قىلىپ، تۆت ئادەمنى رەسمىي توختىتىپ قويغانلىقى بىلدۈرۈلگەن بولسىمۇ، بىراق ئۇلارنىڭ نېمە سەۋەبلىك تۇتقۇن قىلىنغانلىقى ياكى توختىتىپ قويۇلغانلىقى ھەققىدە ئۇچۇر بەرمىگەن.
ئۇندىن باشقا خىتاي دىۋىزىيە تورىنىڭ 14-فېۋرال خەۋەر قىلىشىچە، قەشقەر مارالبېشى تۇمشۇق شەھىرىدىمۇ ئوخشاشلا ئاتالمىش «باھار گۈلدۈرماما ھەرىكىتى» نامىدا مەخسۇس ھەرىكەت ئورۇنلاشتۇرۇلغان بولۇپ، مەلۇم بولۇشىچە خىتاي ئاتالمىش «باھار گۈلدۈرماما ھەرىكىتى» نامىدىكى مەخسۇس تۇتقۇن قىلىش ھەرىكىتىنى قەشقەر ۋىلايىتىگە تەۋە ھەرقايسى ناھىيەلەردە ئومۇميۈزلۈك قوزغىغان.
تەييارلىغۇچى: ئابدۇخەبەر رەجەپ