- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
فىلىپپىن پىرېزىدېنتى خىتاينىڭ فىلىپپىندا تۇرۇشلۇق باش ئەلچىسىنى چاقىرتتى
فىلىپپىن پىرېزىدېنتى فېردىناند ماركوس 14-فېۋرال خىتاينىڭ فىلىپپىندا تۇرۇشلۇق باش ئەلچىسىنى چاقىرتىپ، خىتاينىڭ جەنۇبىي دېڭىزدىكى ھەرىكىتىگە نارازىلىق بىلدۈردى.
ئامېرىكا ئاۋازىنىڭ خەۋىرىدە بىلدۈرۈلۈشىچە، پىرېزىدېنت ماركوس خىتاينىڭ فىلىپپىندا تۇرۇشلۇق باش ئەلچىسى خۇاڭ شىليەننى چاقىرتىپ، خىتاينىڭ فىلىپپىن دېڭىز قىرغىقى مۇھاپىزەت ئەترىتى ۋە فىلىپپىن دېڭىز قىرغىقى مۇھاپىزەت پاراخوتىنى ئۆز ئىچىگە ئالغان فىلىپپىنلىق بېلىقچىلارغا قاراتقان ھەربىي لازېر نۇرى بىلەن ھۇجۇم قىلىش ھەرىكەتلىرىدىن قاتتىق نارازى بولغانلىقىنى بىلدۈرگەن.
بىلدۈرۈلۈشىچە، دۈشەنبە كۈنى فىلىپپىن ئارمىيەسى خىتاي دېڭىز قىرغىقى مۇھاپىزەت ئەترىتى فىلىپپىننىڭ كۈندىلىك بۇيۇملارنى ئېلىپ ماڭغان پاراخوتىغا لازېر نۇرى بىلەن ھۇجۇم قىلىپ، پاراخوت خادىملىرىنى قىسقا ۋاقىت كۆرمەس قىلىپ قويغانلىقىنى ئەيىبلىگەن.
فىلىپپىن تاشقى ئىشلار مىنىستىرلىقىمۇ سەيشەنبە كۈنى خىتايغا نارازىلىق بىلدۈرۈپ، خىتاي پاراخوتلىرىدىن تاجاۋۇزچىلىق ھەرىكەتلىرىنى توختىتىشىنى تەلەپ قىلغان.
خىتاينىڭ فىلىپپىندا تۇرۇشلۇق باش ئەلچىسى خۇاڭ شىليەن فىلىپپىننىڭ نارازىلىقىغا قانداق جاۋاب بەرگەنلىكىنى تىلغا ئالماستىن، كۆرۈشۈشتە پىرېزىدېنت ماركوس بىلەن ئۇنىڭ خىتاي زىيارىتى جەريانىدا ئىككى تەرەپنىڭ دېڭىز ئىشلىرىنى باشقۇرۇش مەسىلىسىدە ھاسىل قىلغان ئورتاق تونۇشىنى قانداق ئەمەلىيلەشتۈرۈشنى مۇزاكىرە قىلغانلىقىنى دەۋا قىلغان.
تەييارلىغۇچى: ئابدۇخەبەر رەجەپ