- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ب د ت خىتاينىڭ جىنايەتلىرىنى تەكشۈرۈشكە چاقىرىلدى
كىشىلىك ھوقۇقنى كۆزىتىش تەشكىلاتىنىڭ مۇۋەققەت باش ئىجرائىيە ئەمەلدارى 13-فېۋرال ب د ت نى ئۆزلىرى بۇلتۇر ئېلان قىلغان دوكلاتتا مۇئەييەنلەشتۈرۈلگەن خىتاينىڭ شەرقىي تۈركىستاندا ئىجرا قىلىۋاتقان جىنايى قىلمىشلىرىنى داۋاملىق كۆزىتىشىنى ئۈمىد قىلىدىغانلىقىنى ئېيتتى.
ئامېرىكا ئاۋازىنىڭ 14-فېۋرالدىكى خەۋىرىدە بىلدۈرۈلۈشىچە، كىشىلىك ھوقۇقنى كۆزىتىش تەشكىلاتى ئەمەلدارى تىرانا ھەسەننىڭ ئېيتىشىچە، ب د ت كىشىلىك ھوقۇق ئالىي ئەمەلدارى ۋولكېر تۈرك ئۆتكەن يىلى ب د ت ئېلان قىلغان دوكلاتقا ئاساسەن تەدبىر قوللىنىشقا بەل باغلىغان. مەزكۇر دوكلات ئۆتكەن يىلى 8-ئايدا مىشېل باچېلېتنىڭ تۆت يىللىق ۋەزىپە ئۆتەش مۇددىتى توشۇشتىن بىر نەچچە مىنۇت بۇرۇن ئېلان قىلىنغانىدى.
تىرانا ھەسەن مۇخبىرغا: «ۋولكېر تۈركنىڭ بۇ ۋەدىسىنى ئەمەلىيلەشتۈرۈش ئۈچۈن قەدەم باسقانلىقىنى كۆرۈشنى خالايمىز» دېگەن.
مەزكۇر دوكلاتتا ب د ت خەۋپسىزلىك كېڭىشىنىڭ دائىمىي ئەزاسى بولغان خىتاينىڭ شەرقىي تۈركىستان خەلقىگە قاراتقان خالىغانچە كەمسىتىش خاراكتېرلىك تۇتقۇن قىلىش جىنايى قىلمىشلىرى ئەيىبلەنگەن ھەمدە تەدبىر قوللىنىپ ئاتالمىش «تەربىيەلەش مەركەزلىرى» نامىدىكى لاگېر، تۈرمىلەر ياكى تۇتۇپ تۇرۇش ئورۇنلىرىدىكى ئۇيغۇرلارنى قويۇپ بېرىشكە چاقىرىق قىلىنغانىدى.
تەييارلىغۇچى: ئابدۇخەبەر رەجەپ