- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
2023-يىللىق دىنىي ئەركىنلىك مەسىلىسى باشلىقلار يىغىنىنىڭ تېمىسى خىتايغا مەركەزلەشتى
2023-يىللىق دىنىي ئەركىنلىك يىغىنىدا خىتاينىڭ كىشىلەرنىڭ ئېتىقاد ئەركىنلىكىگە زىيانكەشلىك قىلىش قىلمىشى مۇزاكىرە قىلىندى.
يېڭى تاڭلىقلار تورىنىڭ 1-فېۋرالدىكى خەۋىرىدە بىلدۈرۈلۈشىچە، 2023-يىللىق خەلقئارالىق دىنىي ئەركىنلىك مەسىلىسى باشلىقلار يىغىنى سەيشەنبە كۈنى ۋاشىنگتوندا ئۆتكۈزۈلگەن بولۇپ، يىغىندا خىتاينىڭ دىنغا ئېتىقاد قىلغۇچى ئاممىغا قىلغان زىيانكەشلىك قىلمىشى ئاساسىي تېما قىلىنغان.
خەۋەردە قەيت قىلىنىشىچە، يىغىندا ئامېرىكىدىكى ئىككى چوڭ پارتىيە پارلامېنت ئەزالىرى ئېتىقاد ئەركىنلىكىنىڭ ئامېرىكىنىڭ ئاساسىي ئىكەنلىكىنى ئوتتۇرىغا قويغان. ئاۋام پالاتا ئەزاسى جىم مەكگوۋرېن （Jim McGovern): «كىشىلىك ھوقۇق مەسىلىسىدە ئىككى پارتىيە ھەمكارلىشىمىز» دېگەن.
ئاۋام پالاتاسى تاشقى ئىشلار كومىتېتىنىڭ رەئىسى مايكېل مىككول （Michael McCaul）: «خىتاي كومپارتىيەسى دىنغا قارشى ئومۇميۈزلۈك ھۇجۇمغا ئۆتتى» دېگەن.
ئامېرىكا ئاۋام پالاتاسى تاشقى مۇناسىۋەتلەر كومىتېتىنىڭ رەئىسى پارلامېنت ئەزاسى مەككول خىتاينىڭ دىنغا ئېتىقاد قىلغۇچى ئاممىغا زىيانكەشلىك قىلغانلىقىنى گەۋدىلەندۈرگەندىن باشقا، خىتاينىڭ ئادەم ئورگىنىنى تىرىك يىغىش جىنايىتىنى تىلغا ئالغان.
مايكېل مىككول يەنە: «خىتاي كىشىلەرگە مەجبۇرىي تىنچلاندۇرۇش ئوكۇلى سالىدۇ، ئارقىدىن ئىچكى ئەزالىرىنى ئېلىۋالىدۇ، بۇ ھالەت تولىمۇ قورقۇنچلۇق» دېگەن.
تەييارلىغۇچى: ئابدۇخەبەر رەجەپ