- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ئامېرىكا رۇسىيەنىڭ ياللانما ئەسكەر گۇرۇھىغا ياردەم بەرگەن خىتاي شىركىتىنى جازالىدى
ئامېرىكا 26-يانۋار بىر خىتاي شىركىتىگە جازا يۈرگۈزگەنلىكىنى ئېلان قىلغان بولۇپ، بۇ شىركەت رۇسىيەنى ئۇكرائىنانىڭ سۈنئىي ھەمراھ سۈرەتلىرى بىلەن تەمىنلەش ۋە رۇسىيەنىڭ ياللانما ئەسكەر تەمىنلەيدىغان «ۋاگنېر گۇرۇھى»نىڭ ئۇرۇش ھەرىكىتىنى قوللاش مەسىلىسىگە چېتىلغان.
ب ب س نىڭ خەۋىرىدە بىلدۈرۈلۈشىچە، ئامېرىكا ھۆكۈمىتى 26-يانۋار خىتاينىڭ چاڭشا شەھىرىگە جايلاشقان تيەنيى ئالەم پەن-تېخنىكا ئىنستىتۇتى چەكلىك شىركىتىگە جازا يۈرگۈزگەنلىكىنى ئېلان قىلغان. مەزكۇر خىتاي شىركىتى ئامېرىكا مالىيە مىنىستىرلىقى جازالاشنى تەستىقلىغان 16 خىتاي ئورگىنىنىڭ بىرى بولۇپ، بېيجىڭ ۋە لىيۇكسېمبۇرگدا ئىش بېجىرىش ئورنى بار ئىكەن.
بىلدۈرۈلۈشىچە، ۋاگنېر گۇرۇھى ئۇكرائىنا ئۇرۇشىدا رۇسىيەنى نەچچە ئون مىڭ ياللانما ئەسكەر بىلەن تەمىنلىگەن.
ئامېرىكا مالىيە مىنىستىرلىقى تاشقى مۈلۈكنى كونترول قىلىش ئىشخانىسىنىڭ باياناتىدا ئېيتىلىشىچە، تيەنيى ئالەم پەن-تېخنىكا ئىنستىتۇتى مەركىزى رۇسىيەگە جايلاشقان تېخنىكا شىركىتى «Terra Tech»نى ئۇكرائىنادىكى ھەرقايسى جايلارنىڭ سۈنئىي ھەمراھ رادارى ئارقىلىق تارتىلغان بىرلەشتۈرۈلگەن سۈرەتلىرى بىلەن تەمىنلىگەن. بۇ سۈرەتلەر بولسا ۋاگنېر گۇرۇھىنىڭ ئۇكرائىنادا ئۇرۇش قىلىش پىلانى ئۈچۈن توپلانغان. ئامېرىكا مالىيە مىنىستىرلىقى يەنە مەزكۇر خىتاي شىركىتىنىڭ لىيۇكسېمبۇرگدىكى تارماق شىركىتىگە جازا يۈرگۈزگەنلىكى ئېلان قىلغان.
بىلدۈرۈلۈشىچە، بۇ جازا خىتاي شىركىتىنىڭ ئامېرىكىدىكى ھەر قانداق مۈلكى ياكى مەنپەئەتنى باشقا ئورۇنغا يۆتكەش ياكى ئېكسپورت قىلىشنى چەكلەشنى ئۆز ئىچىگە ئالىدىكەن. خىتاي تەرەپ ھازىرچە ئامېرىكىنىڭ بۇ جازا قارارىغا ئىنكاس بىلدۈرمىگەن.
تەييارلىغۇچى: ئابدۇخەبەر رەجەپ