- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ئامېرىكا گېنېرالى: خىتاي بىلەن ئىككى يىل ئىچىدە ئۇرۇش قىلىشىمىز مۇمكىن
ئامېرىكىنىڭ بىر گېنېرالى ئىككى يىل ئىچىدە خىتاي بىلەن ئۇرۇش يۈز بېرىشى مۇمكىنلىكىنى تەكىتلەپ، قول ئاستىدىكى قىسىملارنى زۆرۈر تەييارلىقلارنى تېزلىتىشكە بۇيرۇدى.
ۋاشىنگتون پوچتا گېزىتىنىڭ 27-يانۋاردىكى خەۋىرىدە بىلدۈرۈلۈشىچە، ئامېرىكا ھاۋا ئارمىيە يۆتكىلىشچان قىسمىنىڭ قوماندانى مايكىل مىنىھان قول ئاستىدىكىلەرگە يوليورۇق بېرىپ، تەيۋەن مەسىلىسى سەۋەبلىك ئەڭ تېز بولغاندا ئىككى يىل ئىچىدە ئامېرىكا بىلەن خىتاي ئوتتۇرىسىدا ھەربىي توقۇنۇش يۈز بېرىشى مۇمكىنلىكىنى، بۇ سەۋەبلىك ئالاقىدار تەييارلىق خىزمەتلىرىنى تېزلىتىش كېرەكلىكىنى ئۇقتۇرغان.
مايكىل مىنىھان بۇ ھەقتە توختىلىپ: «مەن خاتالاشقان بولسامكەن دەيمەن. ئەمما 2025-يىلى ئۇرۇشىدىغانلىقىمىزنى ھېس قىلىۋاتىمەن» دېگەن ۋە شى جىنپىڭنىڭ بۇلتۇر ئۆكتەبىردە ئۆز تەختىنى يەنە بىر قېتىم مۇستەھكەملىگەنلىكىنى، 2024-يىلى ئۆتكۈزىلىدىغان تەيۋەندىكى پىرېزىدېنتلىق سايلىمىنىڭ خىتايغا باھانە بولۇپ بېرىدىغانلىقىنى، ئامېرىكىنىڭ بولسا 2024-يىلىدىكى پىرېزىدېنتلىق سايلىمى سەۋەبلىك دىققىتى چېچىلىدىغانلىقىنى، بۇنىڭمۇ ئوخشاشلا خىتايغا نىسبەتەن ھەرىكەت قوزغاش پۇرسىتى يارىتىدىغانلىقىنى تەكىتلىگەن.
ئۇ قول ئاستىدىكى قوشۇنلارغا بۇيرۇق چۈشۈرۈپ، ھەرقايسى جەھەتلەردىكى تەييارلىقنى پۇختا قىلىشنى، تەلىم-تەربىيە، مەشىقلەرنى تېخىمۇ كۈچەيتىشنى، ئەڭ ياخشى جەڭ ھالىتىگە كېلىشنى تەلەپ قىلغان ۋە شۇنداقلا ئامېرىكا تەرەپنىڭ ئاساسلىق مەقسىتىنىڭ قورقۇتۇش ئىكەنلىكىنى، زۆرۈر تېپىلغاندا خىتاينى مەغلۇپ قىلىدىغانلىقىنى تەكىتلىگەن.
ئۇنىڭ ئۆز قول ئاستىدىكىلەرگە چۈشۈرگەن بۇ يوليورۇقى ئىجتىمائىي تاراتقۇ سۇپىلىرىدا تارقالغان بولۇپ، ئامېرىكا دۆلەت مۇداپىئە مىنىستىرلىقى بۇ ئۇچۇرنىڭ راستلىقىنى دەلىللىگەن.
تەييارلىغۇچى: ي. قۇرۇم