- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
فىجى خىتاي بىلەن بولغان بىخەتەرلىك ھەمكارلىقىنى بىكار قىلدى
تىنچ ئوكياندىكى ئارال دۆلەت فىجى خىتاي بىلەن بولغان بىخەتەرلىك ھەمكارلىق پىروگراممىسىنى ئاخىرلاشتۇرغانلىقىنى ئېلان قىلدى.
ئەڭ يېڭى خەۋەرلەر تورىنىڭ بۈگۈنكى خەۋىرىدە بىلدۈرۈلۈشچە، مەزكۇر ھەمكارلىق ساقچىلارنى تەربىيەلەش ۋە ۋاقىتلىق ۋەزىپىلەندۈرۈش قاتارلىقلارنى ئۆز ئىچىگە ئالىدىغان بولۇپ، فىجى ساقچى ئىدارىسى خىتاي بىخەتەرلىك خادىملىرى بىلەن داۋاملىق ھەمكارلىشىشىنىڭ ھاجىتى يوقلىقىنى ئېلان قىلدى.
فىجى ۋاقىت گېزىتىنىڭ خەۋىرىگە ئاساسلانغاندا، باش مىنىستىر سىتىۋېنى رابۇكا گېزىتكە: «فىجى ساقچى تەشكىلاتىنىڭ ئەمدى خىتاي بىلەن ھەمكارلىقنى داۋاملاشتۇرۇشىنىڭ ھاجىتى يوق، چۈنكى سىستېمىمىزمۇ ئوخشىمايدۇ» دېگەن ۋە ئاۋسترالىيە، يېڭى زېلاندىيە قاتارلىق دۆلەتلەر بىلەن بىخەتەرلىك ساھەسىدە داۋاملىق ھەمكارلىشىدىغانلىقىنى تىلغا ئېلىپ: «بىزنىڭ دېموكراتىيە ۋە ئەدلىيە سىستېمىمىز خىتاينىڭكىگە ئوخشىمايدۇ، بىز ئوخشاش تۈزۈمدىكى دۆلەتلەر بىلەن ھەمكارلىق ئورنىتىمىز» دەپ تەكىتلىگەن.
باش مىنىستىرنىڭ باياناتى 2011-يىلى ئىككى دۆلەت ئوتتۇرىسىدا ئىمزالانغان چۈشىنىش ئەسلەتمىسى بىلەن باشلانغان ھەمكارلىق پىروگراممىسىنىڭ ئاخىرلاشقانلىقىدىن دېرەك بېرىدىغان بولۇپ، مەزكۇر پروگرامما دائىرىسىدە، فىجى ساقچىلىرى خىتايدىكى تەربىيىلەشكە قاتنىشاتتى ۋە خىتاي ساقچىلىرىمۇ ئۈچ ئايدىن ئالتە ئايغىچە مۇددەت بىلەن فىجىدا خىزمەت قىلاتتى. شۇنداقلا بۇ ھەمكارلىق پىروگراممىسىغا ئاساسەن 2021-يىلى فىجىدا خىتاي ساقچى پونكىتى ئالاقىلىشىش ئىشخانىسى ئېچىلغانىدى.
تەييارلىغۇچى: ئى. ئۆتكۈر