- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
بىلىنكېن خىتايدىكى ئىنسان ھەقلىرى مەسىلىسىگە كۆڭۈل بۆلۈشكە چاقىرىلدى
ئامېرىكا تاشقى ئىشلار مىنىستىرى ئانتونى بىلىنكېننىڭ خىتاي زىيارىتى يېقىنلىشىۋاتقان بىر پەيتتە، كۆپلىگەن تەشكىلاتلار ئۇنى خىتايدىكى ئىنسان ھەقلىرى مەسىلىسىگە كۆڭۈل بۆلۈشكە چاقىردى.
ئامېرىكا تاشقى ئىشلار مىنىستىرى ئانتونى بىلىنكېن كېلەر ئاينىڭ بېشىدا بېيجىڭغا زىيارەتكە بارىدىغان بولۇپ، تاشقى ئىشلار مىنىستىرلىقى باياناتچىسى نېد پىرايس 24-يانۋار تىۋىتتېر ھېسابىدا بىلىنكېننىڭ چەت ئەلدىكى كۆپلىگەن تەشكىلاتلار بىلەن كۆرۈشۈپ، شەرقىي تۈركىستان، تىبەت، خوڭكوڭ ۋە خىتاينىڭ باشقا جايلىرىدىكى ئىنسان ھەقلىرى دەپسەندىچىلىكىنى ئاڭلاپ ئۆتكەنلىكىنى بىلدۈرگەن.
فىرانسىيە خەلقئارا رادىيوسىنىڭ بۇ ھەقتىكى خەۋىرىدە قەيت قىلىنىشىچە، بىر قىسىم پائالىيەتچىلەر بىلىنكېننىڭ بۇ قېتىملىق خىتاي زىيارىتىدە ئىنسان ھەقلىرى مەسىلىسىنى تىلغا ئېلىشىنى ئۈمىد قىلىدىغانلىقىنى ئوتتۇرىغا قويسا، يەنە بىر قىسىم شەخسلەر ئۇنىڭ خىتايغا يۇمشاق پوزىتسىيەدە بولۇشىدىن ئەندىشە قىلىۋاتقانلىقىنى بىلدۈرۈشكەن.
نۆۋەتتە ئامېرىكا تاشقى ئىشلار مىنىستىرلىقى بىلىنكېننىڭ بېيجىڭ زىيارىتى جەريانىدا خىتايدىكى ئىنسان ھەقلىرى مەسىلىسىنى تىلغا ئالىدىغان-ئالمايدىغانلىقى ۋە شۇنداقلا خىتايغا بۇلارنى تۈزىتىش ھەققىدە ئاگاھلاندۇرۇش بېرىدىغان-بەرمەيدىغانلىقى ھەققىدە تېخى ئىپادە بىلدۈرمىگەن.
تەييارلىغۇچى: ي. قۇرۇم