- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
رۇسىيە خىتاي بىلەن بولغان مۇناسىۋىتىنىڭ تارىختىكى ئەڭ ياخشى مەزگىلدە تۇرۇۋاتقانلىقىنى بىلدۈردى
خىتاي خەلق تورىنىڭ 19-يانۋاردىكى خەۋىرىدە بىلدۈرۈلۈشىچە، 18-يانۋار رۇسىيە تاشقى ئىشلار مىنىستىرى سېرگېي لاۋروف موسكۋادا، رۇسىيەنىڭ 2022-يىللىق دىپلوماتىيە خىزمىتى توغرىسىدا مۇخبىرلارنى كۈتۈۋېلىش يىغىنى ئۆتكۈزگەن بولۇپ، يىغىندا مۇخبىرلارنىڭ سوئالىغا جاۋاب بېرىپ: «رۇسىيە-خىتاي مۇناسىۋىتى تارىختىكى ئەڭ ياخشى مەزگىلدە تۇرماقتا» دېدى. ۋە ئىككى تەرەپ مۇناسىۋىتىنىڭ دۆلەتلەر ئارىسىدىكى مۇناسىۋەتنىڭ ئۈلگىسىگە ئايلانغانلىقىنى بىلدۈرگەن.
لاۋروف سۆزىدە يەنە، رۇسىيە-خىتاي مۇناسىۋىتى ئەمەلىي، ئۆزئارا ئىشىنىدىغان بولۇپ، ئۆزئارا ھۆرمەت قىلىش ۋە مەنپەئەت تەڭپۇڭلۇقى ئاساسىدا ياخشى كېتىۋاتقانلىقىنى، رۇسىيە-خىتاي مۇناسىۋىتىنى خەلقئارا مۇناسىۋەتنى راۋاجلاندۇرۇشنىڭ ئۈلگىسى قىلىشقا ئەرزىيدىغانلىقىنى، ئىككى دۆلەتنىڭ ب د ت نىزامنامىسى ئاساسىدا ھەمكارلىقنى قانات يايدۇرغانلىقىنى بىلدۈردى.
مەلۇم بولۇشىچە، خىتاي رۇسىيەنىڭ ئۇكرائىناغا تاجاۋۇز قىلىش ھەرىكىتىگە قارشى ھېچقانداق سۆز قىلمىغان ياكى قارىشى تۇرمىغان بولۇپ، بۇنى ئاز دەپ خەلقئارا مەسىلىلەردە رۇسىيە تەرەپتە تۇرغان. خىتاي يېقىندىن بىرى شەرقىي تۈركىستاندىكى ئىرقىي قىرغىنچىلىق قىلمىشى ھەمدە خەلقئارا تەرتىپنى قالايمىقان قىلىشقا ئۇرۇنىشى سەۋەبلىك ھەر تەرەپتىن ئېمبارگو ياكى ئەيىبلىنىشكە دۇچ كەلگەن بولۇپ، خىتاي خەلقئارا جەمئىيەتتىن كەلگەن چەتكە قېقىلىش ۋە يېتىم قىلىش بېسىمىنى يېنىكلىتىش ئۈچۈن بارغانچە رۇسىيەگە يېقىنلىشىشقا باشلىغان.
تەييارلىغۇچى: ئابدۇخەبەر رەجەپ